ت. ابىلدايەۆ: ناۋقاستاردىڭ 75%-دا COVID-19 باستاپقى كەزەڭدە انىقتالىپ، اۋرۋ جەڭىل تۇردە وتكەن. بۇل تۋرالى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ حابارلادى.

بۇگىنگى كۇنى الماتىدا ادامداردىڭ كەڭەيتىلگەن كونتينگەنتىن ەرتە پتر ادىسىمەن دياگنوستيكالاۋ بويىنشا جۇمىستار قارقىندى جۇرگىزىلۋدە. بۇل مەديسينا قىزمەتكەرلەرى، قالا اۋماعىنداعى ءار ءتۇرلى اسكەري بولىمدەردىڭ اسكەري قىزمەتكەرلەرى، كارانتينگە قويىلاتىن تالاپتاردىڭ ساقتالۋىن باقىلاۋ ماقساتىنداعى پاترۋلدىك قۇرام، ءىىم جۇيەسىنىڭ قىزمەتكەرلەرى، بلوك-بەكەتتەرگە جۇمىسقا تارتىلعان تۇلعالار. 

– ءقازىر COVID-19 ۆيرۋسى بۇرىن جۇقتىرعان ناۋقاستارمەن قارىم-قاتىناستا بولعان ادامداردان انىقتالىپ جاتىر. ياعني، بۇل ازاماتتاردىڭ بارلىعى ينفەكسيانىڭ ودان ءارى تارالماۋى ماقساتىندا كارانتيندىك گوسپيتالداردا 14 كۇندىك وقشاۋلاۋدا بولعان. بۇل شارالار الماتىدا اۋرۋدى ەرتە ساتىسىندا ىندەتتى جۇقتىرعانداردىڭ سانىن انىقتاۋعا مۇمكىندىك بەردى. سونىڭ ارقاسىندا، COVID-19-بەن اۋىراتىن ناۋقاستاردىڭ 75%-دا اۋرۋ جەڭىل تۇردە جانە تەك 2%-دا ىلەسپە اۋرۋلاردىڭ بولۋى سالدارىنان اۋىر جاعدايدا وتۋدە. قالعاندارىنىڭ جاي-كۇيى ورتاشا دەڭگەيدە. قازىرگى تاڭدا الماتى قالاسىندا ءوجج اپپاراتىنا قوسىلعان، اۋىر جاعدايداعى ناۋقاستار جوق. شاحاردا ءولىم-جىتىم كورسەتكىشى 0،58%-دى قۇرايدى. باسقا ەلدەردە بۇل كورسەتكىش 2-5% ارالىعىندا، – دەدى تىلەۋحان ابىلدايەۆ.

باسقارما باسشىسىنىڭ ايتۋىنشا، بارلىق مەديسينالىق قىزمەتكەرلەر جەكە قورعانىس قۇرالدارىمەن قامتاماسىز ەتىلگەن جانە ولاردى پايدالانۋ بويىنشا ۇنەمى وقۋ-جاتتىعۋ جۇمىستارى جۇرگىزىلەدى.

ايتا كەتۋ كەرەك، جاڭا مودۋلدىك جۇقپالى اۋرۋلار اۋرۋحاناسىندا بۇگىندە 255 ناۋقاس بار. مودۋلدىك كەشەننىڭ پالاتالارى ىشىندە كەرى قىسىم تۋدىراتىن جەلدەتۋ جۇيەسى جۇمىس ىستەيدى، ياعني سول ارقىلى ۆيرۋسقا تولى اۋا تولقىنى پالاتا اۋماعىنان شىقپاي، ارنايى زالالسىزداندىرۋ جۇيەلەرىنە ەنەدى.

پالاتالاردا گەرمەتيكالىق (اۋا وتكىزبەيتىن) ەسىكتەر ورناتىلعان، كارىز جۇيەسىن تازالاۋدىڭ ەرەكشە جۇيەسى جۇمىس ىستەيدى. الماتىدا 10 مامىر كۇنى ساعات 17.00-دە كوروناۆيرۋستىق ينفەكسيانى جۇقتىرۋدىڭ راستالعان 1578 جاعدايى تىركەلدى. قازىرگى ۋاقىتتا ينفەكسيالىق ستاسيونارلاردا 1178 ادام كوروناۆيرۋستى ينفەكسيادان ەمدەلۋدە. ءقاۋىپتى ىندەتتەن 391 ادام جازىلىپ شىقتى.