بۇل  تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى ستاتيستيكا دەپارتامەنتىنىڭ باسشىسى ريمما ۋتيۋشيەۆا  ءمالىم ەتتى. 

2020 جىلعى 1 ناۋرىزعا وبلىستاعى حالىق سانى 702 953 ادامدى قۇرادى، ونىڭ ىشىندە قالالىقتار – 279 120 (39،7%)، اۋىلدىقتار – 423 833 ادام (60،3%). 2020 جىل باسىمەن سالىستىرعاندا حالىق سانى 4 مىڭ ادامعا نەمەسە 0،6% ءوستى.

كوشى-قون

2020 جىلعى قاڭتار-اقپان 2019 جىلدىڭ قاڭتار-اقپانىمەن سالىستىرعاندا وبلىسقا كەلگەندەر 1،7 ەسە، كەتكەندەر سانى 1،6 ەسە ءوستى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى تيىسىنشە 94،4% جانە 87،8% قۇرادى.

ەل ىشىندە قونىس اۋداراتىن كوشىپ-قونۋشىلار سانى 1،7 ەسە كوبەيدى. وبلىسارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ ءبىر قالاسىندا، جانە 4 اۋدانىندا:  جاڭاوزەن ق.ءا. (76 ادام)، مۇنايلى (156 ادام)، بەينەۋ (9 ادام) ءتۇپقاراعان (46 ادام)، جانە ماڭعىستاۋ (8 ادام)، اۋداندارىندا بايقالدى.

تۇرمىس دەڭگەيى

2019 جىلعى IV توقساندا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 144342 تەڭگەنى قۇرادى، بۇل 2018 جىلعى IV توقسانعا قاراعاندا 2،3% جوعارى، ناقتى اقشالاي تابىس كورسەتىلگەن كەزەڭدە 3،4% تومەندەدى.

ەڭبەك جانە جۇمىسپەن قامتۋ ستاتيستيكاسى

2019 جىلعى ءىV توقساندا جۇمىسسىزدار سانى باعالاۋ بويىنشا 16،1 مىڭ ادامدى، جۇمىسسىزدىق دەڭگەيى جۇمىس كۇشى (ەكونوميكالىق تۇرعىدان بەلسەندى حالىق) سانىنا شاققاندا 5% قۇرادى. 2020 جىلعى ناۋرىزدىڭ سوڭىنا جۇمىسپەن قامتۋ ورگاندارىندا ەسەپتە تۇرعان جۇمىسسىزدار سانى 12802 ادامدى قۇرادى، ەكونوميكالىق بەلسەندى حالىق سانىنداعى تىركەلگەن جۇمىسسىزدار ۇلەسى 4% قۇرادى. 2020 جىلعى ءى توقساندا ءبىر قىزمەتكەرگە ەسەپتەلگەن ورتاشا ايلىق اتاۋلى جالاقى 323642 تەڭگەنى قۇرادى، الدىڭعى جىلعى ءتيىستى كەزەڭىمەن سالىستىرعاندا 112،4%-عا كوبەيدى، ناقتى جالاقى يندەكسى 105،9%-دى قۇرادى.

باعالار

تۇتىنۋ باعالارىنىڭ يندەكسى 2020 جىلعى ناۋرىز  ايىندا 2019 جىلعى جەلتوقسان ايىمەن سالىستىرعاندا 102،6% قۇرادى. ازىق-تۇلىك تاۋارلارىنا باعالار - 3،3%، ازىق-تۇلىك ەمەس تاۋارلارىنا - 1،4%،  اقىلى قىزمەتتەر - 2،9%-عا ءوستى. اعىمداعى جىلدىڭ ناۋرىز ايىندا نان ونىمدەرى مەن جارما ونىمدەرىنە - 1%، ماكارون ونىمدەرىنە - 0،4%، ەت پەن قۇسقا - 0،9%، شۇجىقتار، ەتتەن دايىندالعان ونىمدەرگە - 0،8%، بالىق جانە تەڭىز ونىمدەرىنە - 1،4%، ءسۇت ونىمدەرىنە - 0،7%، جەمىس-جيدەكتەر مەن كوكونىستەرگە - 5%، الكوگولسىز سۋسىندارعا - 1،8%، الكوگولدى سۋسىندار، تەمەكى ونىمدەرىنە - 0،3% قىمباتتادى.

باعانىڭ تومەندەۋى جۇمىرتقاعا - 1،7%، قۇمشەكەرگە - 0،9% بەلگىلەندى.

كيىم مەن اياققيىمگە - 0،9%، ءۇي تۇرمىسىنا قاجەتتى زاتتار، تۇرمىستىق تەحنيكانىڭ باعاسى - 1%-عا قىمباتتادى. دەنساۋلىق ساقتاۋ قىزمەتىنىڭ تاريفى - 0،3%-عا، كولىك قىزمەتى - 20،1%-عا، دەمالىس جانە مادەنيەت - 0،4%-عا ءوستى.

اعىمداعى جىلدىڭ ناۋرىز ايىندا ماڭعىستاۋ وبلىسى بويىنشا ەڭ تومەنگى كۇنكورىس دەڭگەيىنىڭ شاماسى 36150 تەنگەنى قۇرادى.

ونەركاسىپ

2020 جىلعى قاڭتار-ناۋرىز ايىندا ونەركاسىپ ءوندىرىسىنىڭ كولەمى قولدانىستاعى باعالاردا 625،1 ملرد. تەڭگەنى، ونەركاسىپتىك ءوندىرىستىڭ يندەكسى 101% قۇرادى.

ينۆەستيسيالار

2020 جىلعى قاڭتار-ناۋرىز ايىندا نەگىزگى كاپيتالعا سالىنعان ينۆەستيسيالار كولەمى 105228،7 ملن. تەڭگەنى قۇرادى، بۇل وتكەن جىلعى كەزەڭىمەن سالىستىرعاندا 27،6%-عا كوبەيدى.

تۇرعىن ءۇي قۇرىلىسى

2020 جىلعى قاڭتار-ناۋرىزدا پايدالانۋعا بەرىلگەن تۇرعىن ءۇيدىڭ جالپى الاڭى 349 مىڭ شارشى مەتردى، ونىڭ ىشىندە جەكە قۇرىلىسشىلار سالعان 238 مىڭ شارشى مەتردى قۇرادى. پايدالانۋعا بەرىلگەن تۇرعىن ءۇيدىڭ ناقتى كولەمىنىڭ يندەكسى 2019 جىلعى قاڭتار-ناۋرىزعا 94،7% قۇرادى.

2020 جىلعى قاڭتار-ناۋرىزدا حالىق سالعان تۇرعىن ءۇي قۇرىلىسىنىڭ 1 شارشى مەترىنىڭ ورتاشا ناقتى شىعىندارى - 82،9 مىڭ تەڭگەنى تەڭگەنى قۇرادى.

قۇرىلىس

2020 جىلعى قاڭتار-ناۋرىزدا قۇرىلىس جۇمىستارىنىڭ (قىزمەتتەرىنىڭ) كولەمى 28829،9 ملن. تەڭگەنى قۇرادى، بۇل 2019 جىلعى قاڭتار-ناۋرىزعا قاراعاندا 1%-عا كوپ.

اۋىل شارۋاشىلىعى

اۋىل، ورمان جانە بالىق شارۋاشىلىعىنىڭ ىشكى ءونىمىنىڭ كولەمى 2020 جىلعى قاڭتار-ناۋرىزداعى 3197،1 ملن. تەڭگەنى قۇرادى، ونىڭ ىشىندە 2939،4 ملن. تەڭگەنى قۇرادى، ناقتى كولەم يندەكسى (نكي) 2019 جىل مەن سالىستىرعاندا 1% ءوستى جانە 101% قۇرادى.