ماڭعىستاۋ وبلىسىنىڭ اكىمى س.ترۇموۆ اقتاۋداعى بىرنەشە نىساندى ارالادى. الدىمەن جوندەۋ جۇمىستارى ءجۇرىپ جاتقان «IT مەكتەپ – ليسەيى» مەن 29-شاعىن اۋدانداعى №28 مەكتەپتىڭ جۇمىستارىمەن تانىستى. قازىرگى تاڭدا اتالعان ءبىلىم وردالارىندا تولىقتاي دەمونتاج جۇمىستارى جۇرگىزىلۋدە. جۇمىس جاساۋعا مەملەكەتتىڭ «جۇمىسپەن قامتۋ جول كارتاسى» باعدارلاماسى بويىنشا ءار مەكتەپتە 100 جۇمىس ورىندارىنان اشىلىپ، ادامدار تارتىلۋدا. ەكى مەكتەپتە ۇستىمىزدەگى جىلدىڭ ماۋسىم ايىندا اياقتالۋ جوسپارلانىپ وتىر. وبلىس اكىمى جاۋاپتى ماماندارعا ءبىلىم ورداسىنىڭ جۇمىس ساپاسىن ۇنەمى باقىلاۋدا ۇستاۋدى جانە ۋاقىتىلى اياقتاۋدى تاپسىردى. سونىمەن قاتار، «جۇمىسپەن قامتۋ جول كارتاسى» باعدارلاماسى بويىنشا جۇمىسقا كوپتەپ ادامداردى تارتۋدى جۇكتەدى.

سونداي-اق، ءوڭىر باسشىسى 17 شاعىن اۋداندا بوي كوتەرگەن بوكس ورتالىعىنىڭ جۇمىسىمەن تانىستى. 1500 ادامعا شاقتالعان سپورت ورتالىعى اعىمداعى جىلدىڭ تامىز ايىندا اياقتالادى دەپ جوسپارلانىپ وتىر. بۇگىندە قۇرىلىس جۇمىستارىنىڭ باسىم بولىگى اياقتالعان.

بۇدان كەيىن، ايماق باسشىسى 1 شاعىن اۋداندا قۇرىلىسى ءجۇرىپ جاتقان ونكولوگيالىق ديسپانسەرگە باردى. ورتالىق 6 قاباتتان تۇرادى، سىيىمدىلىعى 100 ادامعا ارنالعان. قازىرگى كۇنى مۇندا دا قۇرىلىس جۇمىستارىنىڭ نەگىزگى بولىگى تولىق ورىندالىپ وتىر. الدا اۋرۋحاناعا قاجەتتى قۇرال-جابدىقتار ورناتىلۋى ءتيىس. نىسان جوسپار بويىنشا 2020 جىلدىڭ اياعىندا تاپسىرىلادى دەپ كۇتىلۋدە.