پرەزيدەنت ق.توقايەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا سۋ تاسقىنىنان زارداپ شەككەن ماقتاارال اۋدانى تۇرعىندارىنىڭ مال شىعىنى، تاسقىننىڭ اۋىل شارۋاشىلىعى القاپتارىنا تيگىزگەن زيانى وتەلەتىنىن مالىمدەدى.
– ءقازىر سۋ تاسقىنىنىڭ زارداپتارىن جويۋ، تازالاۋ جۇمىستارى جۇرگىزىلۋدە. ءبىز اۋداننىڭ كۇندەلىكتى تىرشىلىگىن قايتا قالپىنا كەلتىرۋ ءۇشىن قاجەتتى شارالار قابىلدايمىز. جالپى كۇزگە دەيىن قيراعان ۇيلەردىڭ ورنىنا جاڭا تۇرعىن ۇيلەر سالىنادى. زارداپ شەككەن ءاربىر ادامعا 100 مىڭ تەڭگە كولەمىندە وتەماقى تولەنەدى. مال شىعىنى، تاسقىننىڭ اۋىل شارۋاشىلىعى القاپتارىنا تيگىزگەن زيانى وتەلەدى. جالپى، زارداپ شەككەن اۋىلداردىڭ ءاربىر ازاماتى قامقورلىقسىز قالمايدى. ولارعا جاردەم بەرەمىز، – دەدى پرەزيدەنت.
پىكىر قالدىرۋ