الماتىدا 2020 جىلدىڭ 11 مامىرىنان باستاپ تج رەجيمى اياقتالدى. بۇل رەتتە، كارانتيندىك شارالار ءالى دە جالعاسۋدا. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

الماتى قالاسىندا شەكتەۋ شارالارى قالاداعى ەپيدەميولوگيالىق جاعدايعا بايلانىستى كەزەڭ-كەزەڭمەن الىناتىن بولادى.

بۇگىنگى كۇننەن باستاپ سۇلۋلىق سالوندارىنىڭ، ءبىلىم بەرۋ ورتالىقتارىنىڭ قىزمەتى باستالادى. ولار ءۇشىن اۋديتتەن ءوتۋ مىندەتتى بولىپ تابىلادى، ونى وتكىزۋگە وتىنىمدەر كۇن سايىن call centre ارقىلى قابىلدانادى (+7 775 882 55 39، +7 775 882 57 08، +7 775 882 55 46، +7 775 882 54 16، +7 775 882 56 02، +7 775 882 53 12، +7 775 882 56 49، +7 775 882 52 00، +7 775 882 56 72، +7 775 882 53 92)، سونداي-اق ەلەكتروندىق پوشتا بويىنشا (وبەكتىلەردىڭ ورنالاسقان جەرى بويىنشا:
Infoalatau@mail.kz — الاتاۋ اۋدانى
Infoalmaly@mail.kz — المالى اۋدانى
Infoauezov@mail.kz — اۋەزوۆ اۋدانى
Infobostandyk@mail.kz — بوستاندىق اۋدانى
Infozhetysu@mail.kz — جەتىسۋ اۋدانى
Infomedeu@mail.kz — مەدەۋ اۋدانى
Infonauryzbay@mail.kz — ناۋرىزباي اۋدانى
Infoturksib@mail.kz — تۇركسىب اۋدانى)

اۋديت وتكەننەن كەيىن جانە وڭ شەشىم العاننان كەيىنگى كەلەسى قادام وسى سەكتورلار كومپانيالارىنىڭ قىزمەتكەرلەرى infoalmaty.kz سايتىندا تىركەلەدى. ءبىلىم بەرۋ ۇيىمدارىندا، سۇلۋلىق سالوندارىندا جۇمىس ىستەيتىن جانە وبلىستا تۇراتىن قىزمەتكەرلەردى تىركەۋگە ءوتىنىم وسى سايت ارقىلى بەرىلەدى.

سونىمەن قاتار، مىندەتتى تۇردە اۋديت وتكەن جاعدايدا ونەركاسىپ جانە قۇرىلىس سالاسىنداعى وبەكتىلەردىڭ، جوبالاۋ ۇيىمدارىنىڭ، سونداي-اق كەلەسى قىزمەت تۇرلەرىن جۇزەگە اسىراتىن كاسىپورىنداردىڭ جۇمىسىن قايتا باستاۋ جالعاستىرىلاتىنىن ەسكە سالامىز: «ۇيگە جەتكىزۋ»، تقس، شينومونتاج، اۆتوجۋۋ جانە تەحنيكالىق قىزمەت كورسەتۋ بويىنشا اۆتوسالوندار، كەڭسە تەحنيكالارىن جوندەۋ جانە جارناما اگەنتتىكتەرى.

سانيتارلىق-ەپيدەميولوگيالىق تالاپتار ساقتالعان جاعدايدا جانە اۋديتتەن وتپەي جۇمىستى ىسكە قوسۋ كولىك جانە ساقتاۋ، اقپارات جانە بايلانىس، قارجى قىزمەتتەرى سالاسىنداعى كاسىپورىندار (ەدب، ميكروقارجى ۇيىمدارى، ساقتاندىرۋ كومپانيالارى، بروكەرلەر، لومباردتار، ايىرباستاۋ پۋنكتتەرى)، بيزنەسكە ارنالعان كاسىبي قىزمەتتەر، سونداي-اق كەيبىر قىزمەت تۇرلەرى: فوتوسالوندار مەن گۇل پاۆيلوندارى، شاشتارازدار، جىلجىمايتىن مۇلىكپەن جاسالاتىن وپەراسيالار جونىندەگى كومپانيالار، باسپا قىزمەتى، اياق كيىم جوندەۋ جانە حيميالىق تازالاۋ، جۋۋ، ازىق-تۇلىك ەمەس تاۋارلار دۇكەندەرى 500 ش. م. دەيىنگى (سو، سوو، ءسۇ تىس).

بارلىق كومپانيالار جاڭا ۇسىنىستارعا سايكەس جۇمىس ىستەۋگە مىندەتتى. جۇمىس ورىندارىنداعى الەۋمەتتىك قاشىقتىق جانە قاتاڭ سانيتارلىق رەجيم قىزمەتى رۇقسات ەتىلگەن ۇيىمدار جۇمىسىنىڭ مىندەتتى تالاپتارى بولىپ تابىلادى. بۇل رەتتە، جۇمىس ورىندارىندا قاجەتتى قىزمەتكەرلەر سانى تىكەلەي جەكە كاسىپورىنداردىڭ باسشىلارىمەن ءوز بەتىنشە انىقتالاتىن بولادى.

وبەكتىلەردىڭ سانيتارلىق-ەپيدەميولوگيالىق نورمالارعا سايكەستىگىن تەكسەرۋدى جەرگىلىكتى اتقارۋشى ورگاندار مەن «اتامەكەن» ۇكپ وكىلدەرى قاتارىنان بۇرىن قۇرىلعان مونيتورينگتىك توپتار جۇرگىزەتىن بولادى. ق ر اقبتك 462-بابىنا سايكەس، بەلگىلەنگەن شارالاردى ورىنداماۋ ايىپپۇل تۇرىندە (شاعىن كاسىپكەرلىك سۋبەكتىلەرى ءۇشىن – 100 اەك مولشەرىندە، 200 – ورتا جانە 500 – ءىرى كاسىپكەرلىك سۋبەكتىلەرى ءۇشىن) جانە كارانتيننىڭ بارلىق كەزەڭىندە وبەكتىنىڭ تولىق جابىلۋىنا دەيىن اكىمشىلىك جاۋاپكەرشىلىك قاراستىرىلادى.

وبلىس اراسىنداعى ساپارلارعا شەكتەۋ ءالى دە ساقتالادى. الماتى قالاسىنىڭ پەريمەترى بويىنشا بلوكپوستاردىڭ جۇمىسى كۇشەيتىلگەن رەجيمدە جۇزەگە اسىرىلاتىن بولادى. قىزمەتى رۇقسات ەتىلگەن مەگاپوليس ۇيىمدارىندا جۇمىس ىستەۋ ءۇشىن ازاماتتاردىڭ كەلۋىنە جانە شىعۋىنا رۇقسات ەتىلەدى. قالاعا كىرۋدىڭ مىندەتتى شارتى قىزمەتكەرلەردىڭ مالىمەتتەرىن infoalmaty.kz بازاسىنا ەنگىزۋ بولىپ تابىلادى، ال وتىنىمدەردى قابىلداۋ ەرتەڭ ساعات 15.00-دە اشىلادى. ءىرى جانە ماڭىزدى كاسىپورىنداردىڭ قىزمەتكەرلەرى اراسىندا كوروناۆيرۋستىق ينفەكسيانى انىقتاۋعا تەست جۇرگىزۋ جوسپارلانۋدا.

سونىمەن قاتار، ساياباقتار مەن سكۆەرلەر اشىلادى. كوشەگە شىعۋعا 3 ادامنان اسپايتىن قۇرامدا رۇقسات ەتىلەدى. كۇندەلىكتى ومىردە ساقتىق شارالارىن قاتاڭ ساقتاۋ، كوپشىلىك جەرلەردە بەتپەردە كيۋ جانە الەۋمەتتىك قاشىقتىقتى ۇستانۋ تۋرالى ۇسىنىستار وزەكتى بولىپ قالادى. بۇل شارالاردىڭ بارلىعى ءبىرىنشى كەزەكتە ازاماتتاردىڭ قاۋىپسىزدىگىن قامتاماسىز ەتۋگە باعىتتالعان.