توتەنشە جاعداي كەزىندە ۇلتتىق قوردىڭ اكتيۆتەرى 1،1 ميلليارد دوللارعا ۇلعايىپ، 58،5 ميلليارد اقش دوللارىنا جەتكەن. بۇل تۋرالى باس بانكير ەربولات دوسايەۆ ۇكىمەت وتىرىسىندا حابارلادى. 

"ءساۋىر ايىندا ۇلتتىق قوردىڭ اكتيۆتەرى 1،1 ميلليارد دوللارعا ۇلعايىپ، 58،5 ميلليارد اقش دوللارىنا جەتتى. اكتيۆتەر نەگىزىنەن اكسيالار نارىعى ناۋرىزدا تومەندەگەننەن كەيىن ينۆەستيسيالىق كىرىس ەسەبىنەن ءىشىنارا قالپىنا كەلۋى ناتيجەسىندە ءوستى. قازاقستاننىڭ حالىقارالىق اكتيۆتەرى ءبىر ايدا 2،1 پروسەنتكە ءوسىپ، 89 ميلليارد اقش دوللارىنا جەتتى.الدىن الا دەرەكتەر بويىنشا ءساۋىر ايىندا ۇلتتىق بانكتىڭ التىن-ۆاليۋتا رەزەرۆتەرى، نەگىزىنەن، التىن پورتفەلىنىڭ ءوسۋى ەسەبىنەن 30،5 ميلليارد اقش دوللارىنا دەيىن، 2،4 پروسەنتكە نەمەسە 700 ميلليون اقش دوللارىنا ۇلعايدى. باعالى مەتالل باعاسى 7 پروسەنتكە ءوستى"، - دەدى ەربولات دوسايەۆ.