الماتىداعى ءسان سالوندارى مەن ءبىلىم ورتالىقتارىنا جۇمىسىن باستاۋعا رۇقسات بەرىلەدى. بۇل تۋرالى الماتى اكىمىنىڭ ورىنباسارى ساپاربەك تۇياقبايەۆ بريفينگ بارىسىندا ايتتى.
– الماتىدا بۇگىننەن باستاپ ءسان سالوندارى مەن كەيبىر ءبىلىم ورتالىقتارىنا جۇمىسىن باستاۋعا رۇقسات بەرىلدى. ارناي بەلگىلەنگەن ءتارتىپ بويىنشا ەرتەڭنەن باستاپ infoalmaty.kz سايتىندا ارىزدار قابىلدانادى. توتەنشە جاعداي اياقتالعانىمەن، كارانتين رەجيمى جالعاسادى. سانيتارلىق تالاپتار ساقتالۋى كەرەك،– دەدى بريفينگ بارىسىندا ساپاربەك تۇياقبايەۆ.
سونداي-اق، ول قالاداعى ساياباقتارعا قاتىستى تالاپتاردىڭ پىسىقتالىپ جاتقانىن اتاپ ءوتتى. ولار كەزەڭ-كەزەڭىمەن اشىلادى.
پىكىر قالدىرۋ