Tesla كومپانياسىنىڭ باس اتقارۋشى ديرەكتورى يلون ماسكتىڭ قاماۋعا الىنۋى مۇمكىن ەكەنى تۋرالى حابارلاندى. بۇل تۋرالى قامشى ءتىلشىسى Reuters-كە سىلتەمە جاساپ حابارلايدى.
يلون ماقساتىڭ كاليفورنياداعى اۆتوموبيل شىعاراتىن زاۋىتى جابىق تۇرۋ تۋرالى بۇيرىقتى ورىنداماعان. وسىعان بايلانىستى Tesla-نىڭ باس اتقارۋشى ديرەكتورى "ەگەر كىمدە-كىمدى تۇتقىنداۋعا تۋرا كەلسە، مەنى تۇتقىنداسىن" دەدى.
دەمالىس كۇندەرى ماسك ءوز زاۋىتىنىڭ جابىلۋىنا بايلانىستى كاليفورنيادان تەحاسقا نەمەسە نيەۆاداعا كەتەتىنىن جاريالاعان. ول بۇل قادامى ءۇشىن جۇمىس ورىندارىنداعى باسەكەلەستىكتى ەرەكشە اتاپ ءوتتى.
يلون ماسك تۆيتتەر پاراقشاسىندا ءوندىرىستى دۇيسەنبىدە قايتا باستايتىنىن، مونتاجداۋ جەلىسىندەگى قىزمەتكەرلەر جۇمىسقا شىعاتىنىن ايتتى.
– ەگەر كىمدە-كىم تۇتقىندالۋ كەرەك بولسا، مەنى عانا تۇتقىنداۋىن سۇرايمىن، – دەپ جازدى ول تۆيتتەرىندە.
زاۋىت ورنالاسقان الامەدا وكرۋگىنىڭ دەنساۋلىق ساقتاۋ قىزمەتكەرلەرىنىڭ ايتۋىنشا، دۇيسەنبى كۇنى كەشكە Tesla رۇقسات ەتىلگەن مينيمالدى نەگىزگى وپەراسيالاردىڭ شەكتەۋىن بۇزعان. جەرگىلىكتى بيلىك كومپانياعا وكۋرگ بەكىتكەن جوسپارسىز جۇمىس ىستەي المايتىنىن حابارلاعان.
بيلىك وكىلدەرى دۇيسەنبىدە كومپانيادان جاۋاپ كۇتكەنىن جانە «Tesla بۇدان ءارى ماجبۇرلەۋ شارالارىنا جەتكىزبەيتىنىنە ۇمىتتەنەتىندەرىن» حابارلادى. مالىمدەمەدە زارداپتار كورسەتىلمەگەن جانە شەنەۋنىكتەر بۇدان ءارى تۇسىنىكتەمە بەرمەيتىنىن جاريالادى.
جەرگىلىكتى بيلىك وكىلدەرى مەملەكەتتىڭ تىيىم سالۋ ءتارتىبىن بۇزۋ ايىپپۇلمەن، قاماۋعا الۋمەن نەمەسە ەكى تۇرىمەن تەڭ جازالاناتىنىن ايتتى.
پىكىر قالدىرۋ