حاكەرلەر شوۋ-بيزنەس سالاسىنىڭ ۇزدىك زاڭگەرى اللەن گرۋبماننىڭ ۆەب-سايتىنا شابۋىل جاساپ، 21 ميلليون دوللار تالاپ ەتكەن. بۇل تۋرالى قامشى ءتىلشىسى The New York Post-قا سىلتەمە جاساپ حابارلايدى.

ينتەرنەت قاراقشىلارى زاڭگەر كليەنتتەرىنىڭ، ونىڭ ىشىندە ەلتون دجون، لەدي گاگا جانە باربارا سترەيزاننىڭ جەكە مالىمەتتەرىن جاريا ەتەتىنىن ايتىپ قورقىتقان.

زاڭگەردىڭ "Grubman Shire Meiselas & Sacks" سايتى ىستەن شىققان. حاكەرلەر كەلىسىمشارتتار مەن جەكە ەلەكتروندىق پوشتانى قوسا العاندا 756 گيگابايت دەرەكتەرگە يە ەكەنىن مالىمدەگەن. "مادوننامەن كەلىسىم-شارت جاسالدى" دەگەن سكرينشوت الدەقاشان جاريالانعان.

بىرنەشە اقپارات كوزدەرى تەرگەۋ جۇرگىزىلىپ جاتقانىن جازدى. زاڭگەرلىك فيرما ءوزىنىڭ تانىمال كليەنتتەرىن بۇل ىستەن حاباردار ەتكەن.

گرۋبماننىڭ زاڭگەرلىك كومەك كورسەتەتىن فيرماسى نيۋ-يوركتەگى جانە گولليۆۋدتاعى جۇلدىزدارعا قاتىستى كەلىسىمشارتتار، قۇپيا ەسەپ ايىرىسۋلار جانە كەلىسىمدەرمەن جۇمىس ىستەيدى.

زاڭگەرلىك فيرمانىڭ وكىلى HBO، Zoom جانە تەحاس سوت جۇيەسى ءبارى بىردەي حاكەرلىك شابۋىلداردىڭ قۇربانى بولعانىن مالىمدەدى.