قىرعىزستان پرەزيدەنتى سوورونباي جەەنبەكوۆ قازاقستان پرەزيدەنتى قاسىم-جومارت توقايەۆقا قازىرگىدەي كۇردەلى كەزەڭدە قولداۋ كورسەتىپ، گۋمانيتارلىق كومەك بەرگەنى ءۇشىن العىس ايتىپ، جەدەلحات جولدادى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
– وسىناۋ قيىن-قىستاۋ كەزەڭدە باۋىرلاس قازاق ەلىنىڭ كورسەتكەن قولداۋىن، سونداي-اق، ورتالىق ازياداعى پاندەميامەن كۇرەسكە قازاقستان تاراپىنىڭ قوسقان ۇلەسى مەن كۇش-جىگەرىن جوعارى باعالايمىز. ەكى ەل اراسىنداعى دوستىق، تاتۋ كورشىلىك، وداقتاستىق جانە ستراتەگيالىق ارىپتەستىك الداعى ۋاقىتتا دا ءوزارا تۇسىنىستىك نەگىزدە دامي بەرەدى دەپ سەنەمىن، – دەلىنگەن جەدەلحاتتا.
سوورونباي جەەنبەكوۆ قاسىم-جومارت توقايەۆقا زور دەنساۋلىق، مەملەكەتتىك قىزمەتىنە يگىلىك، ال، باۋىرلاس قازاق حالقىنا بەيبىتشىلىك پەن تابىس تىلەدى.
پىكىر قالدىرۋ