ماڭعىستاۋدا 3-4 ماۋسىمدا تۇلەكتەرگە اتتەستات تابىستالادى دەپ جازادى Qamshy.kz اقپارات اگەنتتىگى. 
بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيدالييەۆ مالىمدەدى.
وزدەرىڭىزگە بەلگىلى، 16 ناۋرىزدان باستاپ وبلىستاعى بارلىق ءبىلىم بەرۋ ۇيىمدارىنىڭ كەيبىرىنىڭ جۇمىستارى قاشىقتىقتان وقىتۋ رەجيمىنە وتسە، كەيبىرىنىڭ جۇمىسى مۇلدە توقتاتىلعان بولاتىن.
ال، ا.ج. 7 مامىرداعى وبلىستىڭ باس سانيتار دارىگەرىنىڭ «كارانتين شارالارىن وزگەرتۋ تۋرالى» №18 پگسۆ قاۋلىسىنا سايكەس بۇدان بىلاي ءبىلىم بەرۋ ۇيىمدارى كەلەسى رەجيمدە جۇمىس جاسايتىن بولادى.
بالاباقشالاردا كەزەكشى توپتار اشىلىپ، تاربيەلەنۋشىلەردىڭ اتا-انالارىنىڭ جۇمىس ورىندارىنان انىقتاما تالاپ ەتىلەدى.
قازىرگى كەزدە بەينەۋ، ماڭعىستاۋ اۋداندارىندا بالاباقشالاردى اشۋعا تاۋارلار مەن كورسەتىلگەن قىزمەت ساپاسى مەن قاۋىپسىزدىگىن باقىلاۋ بولىمدەرىنەن رۇقسات بەرىلگەن جوق.
باسقا اۋدان، قالالاردا 118 بالاباقشادا 1803 بالا كەلەدى.
قازىرگى كەزدە باسقارما تاراپىنان كەلەسى جۇمىستاردى ۇيلەستىرۋگە تاپسىرما بەرىلدى، ولار:
- بالاباقشا قىزمەتكەرلەرىن COVID-19 ۆيرۋسىنا انىقتايتىن پسر ءاناليزىن انىقتاۋ تەستتەرىنەن وتكىزۋ؛
- بالاباقشالارداعى سانيتارلىق-دەزينفەكسيالىق رەجيمدى قاتاڭ ساقتاۋ، ونىڭ ىشىندە بالالاردى تاربيەشىلەردىڭ اۋلا سىرتىنان قابىلداپ ، تاپسىرۋى، كۇندەلىكتى جۇمىس سوڭىندا ويىنشىقتار مەن ىدىس اياق، جيھازداردى دەزينفەكسيالاۋى جانە ت.ب. جۇمىستار؛
- كەزەكشى توپتاردا ءارتۇرلى جاس توپتارىنىڭ بالالارى بولعاندىقتان ولاردى كىشى توپتارعا ءبولۋ جانە ولارعا وقۋ جوسپارلارىن ازىرلەۋ.
1. مەكتەپتەرتەردىڭ قىزمەتى قاشىقتىقتان وقىتۋ رەجيمىندە جالعاسادى. مۇعالىمدەردىڭ جالاقىلارى مەن ەڭبەك دەمالىستارىنىڭ اقىسى ۋاقىتىلى تولەنەدى. ول ءۇشىن بيۋدجەتتەن قارجى كولەمى قاراستىرىلدى (مامىر ايىنا جالاقى 3،9 ملرد، وتپۋسك 750 ملن تگ، بارلعى 4،7 ملرد تگ، ماۋسىم ايىنا 7،1 ملرد تگ، جالاقى 2،2 ملرد تگ، وتپۋسك 4،9 ملرد تگ.)
وبلىستاعى 150 مەكتەپتە (139 كۇندىزگى، 6 كەشكى، 5 جەكەمەنشىك) 150 826 وقۋشى جانە 12 534 ءمۇعالىم 6 ساۋىردەن باستاپ قاشىقتىقتان وقىتىلىپ جاتىرعانى بەلگىلى.
تەك ماڭعىستاۋ اۋدانى بەكى اۋىلىنىڭ باستاۋىش مەكتەبىنىڭ 32 وقۋشىسى «قازپوشتا» تاسىمالىمەن تاپسىرما جولداۋ ارقىلى وقىتىلادى.
شتاتتىق رەجيمدە جۇمىس جاسايتىن قاراقيا اۋدانى اققۇدىق مەكتەبى اۋىلعا جاقىن ورنالاسقان سەنەك اۋىلى تۇرعىندارىنان كورونوۆيرۋس ينفەكسياسى انىقتالۋىنا بايلانىستى 4 مامىردان باستاپ قاشىقتىقتان وقىتۋعا اۋىستىرىلدى (23 وقۋشى، 14 ءمۇعالىم).
ءبولىمدى جيىنتىق باعالاۋ (بجب) وقۋ جۇكتەمەسى اپتاسىنا 2 جانە ودان ارتىق ساعاتتى قۇرايتىن وقۋ پاندەرى بويىنشا 4-11 مامىردا، وقۋ جۇكتەمەسى اپتاسىنا 1 ساعاتتى قۇرايتىن وقۋ پاندەرى بويىنشا 11-15 مامىردا وتكىزىلدى.
18-22 مامىردا 1-10 سىنىپتاردا توقساندىق جيىنتىق باعالاۋ (تجب)، ال 11 سىنىپتا باقىلاۋ جۇمىسىن وتكىزىلەدى.
بيىلعى جىلى 9 جانە 11 سىنىپتارعا قورىتىندى اتتەستاسيا تاپسىرمايدى. قورىتىندى اتتەستاسيا جىلدىق باعالارمەن باعالانادى.
بيىلعى وقۋ جىلىندا 11 سىنىپتى 206 وقۋشى التىن بەلگىمەن (2019 ج. - 159)، 326 وقۋشى ۇزدىك اتتەستاتپەن (2019 ج. - 216) بىتىرەدى.
اتتەستات تاپسىرۋ ءراسىمى 3-4 ماۋسىمدا وتكىزىلەدى. بۇل مەرەكەنىڭ ەرەكشەلىگى – سالتاناتتى تۇردە اتتەستات بەرىلەدى جانە سوڭعى قوڭىراۋ سوعىلادى. تۇلەكتەر ادەتتەگى مەكتەپ فورماسىمەن قاتىسادى. شارا مىندەتتى تۇردە مەكتەپ قابىرعاسىندا، تازا اۋدا، تەك 11 سىنىپ وقۋشىلار مەن اتا-انالاردىڭ قاتىسۋىمەن جانە بارلىق سانيتارلىق نورمالاردى ساقتاي وتىرىپ وتكىزىلەدى.