ەكونوميكا سالالارىن جانداندىرۋعا ارنالعان جاڭا شارالار توپتاماسىنا سايكەس ەلدە اۋە جانە تەمىر جول بايلانىسى قايتا ىسكە قوسىلادى، دەپ حابارلادى قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى.

13 مامىردان باستاپ شىمكەنت، اقتاۋ، ورال، جەزقازعان، بالقاش، ءۇرجار، زايسان قالالارىنا اۋە رەيستەرى اشىلادى.

1 ماۋسىمنان باستاپ كەزەڭ-كەزەڭمەن جانە وڭىرلەردەگى ەپيدەميولوگيالىق جاعدايعا بايلانىستى جولاۋشىلار پويىزدارى جۇرە باستايدى.

اتاپ ايتقاندا، باستاپقى كەزەڭدە 54 پويىز ىسكە قوسىلادى، ونىڭ ىشىندە:

- نۇر-سۇلتان – الماتى، ماڭعىستاۋ، وسكەمەن، سارىاعاش، سەمەي، ارقالىق، پاۆلودار، پەتروپاۆل/قىزىل تۋ، ورال، جەزقازعان، قىزىلوردا؛

- الماتى – شىمكەنت، پاۆلودار، اقتوبە، ماڭعىستاۋ، سارىاعاش، وسكەمەن، جەزقازعان، ۋرلالسك، پەتروپاۆل؛

- قىزىلوردا – سەمەي؛

- قوستاناي – قاراعاندى، ارقالىق، الماتى؛

- قاراعاندى – جەزقازعان؛

- قىزىلوردا – كوكشەتاۋ، پەتروپاۆل جانە قالا ماڭى قاتىناستارى باعىتتارى بويىنشا.

جول ءجۇرۋ بيلەتتەرىن ساتۋ 2020 جىلعى 15 مامىردان باستالادى.