پوليسيا قىزمەتكەرلەرى جەرگىلىكتى كاسىپورىنداردان كۇل قالدىعىن جينايتىن قاراۋىلدارمەن قاقتىعىس كەزىندە وق اتتى، – دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ.
بۇل وقيعا پاۆلودار وبلىسى بەرەكە اۋىلىنىڭ ماڭىندا بولعان. ونى كۋاگەرلەر ءتۇسىرىپ ۆيدەوعا العان. ۆيدەو كادرلارىنان ءبىر توپ ەر ادام، پوليسيا قىزمەتكەرلەرى جانە جەدەل ارەكەت ەتۋ جاساعىنىڭ قىزمەتكەرلەرى كورىنەدى.
پوليسيا دەپارتامەنتىنىڭ مالىمەتىنشە، بۇل قاقتىعىسقا سەبەپ – جەرگىلىكتى كاسىپورىنداردان كۇل-قوقىس قالدىقتارى زاڭسىز الىنىپ كەلگەن. بۇل ارەكەتكە بەرەكە اۋىلىنىڭ شامامەن 30 تۇرعىنى قاتىسقان.
"ق ر قىلمىستىق كودەكسىنىڭ 380-بابىنىڭ 1-بولىگى بويىنشا سوتقا دەيىنگى تەرگەۋ باستالدى. تەرگەۋ شارالارى ءجۇرىپ جاتىر"، – دەدى وڭىرلىك پوليسەيلەر.
سونداي-اق ۆەدومستۆو وكىلدەرى اتىستى پوليسەيلەردىڭ باستاعانىن راستادى. ولاردىڭ ايتۋىنشا، جەرگىلىكتى تۇرعىنداردى تىنىشتاندىرىپ، جاعدايدى ۋشىقتىرماۋ ءۇشىن اۋاعا وق اتىلعان. وسىدان كەيىن جاعداي تۇراقتانعان.
پىكىر قالدىرۋ