الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ الماتىدا 700 ورىنعا ارنالعان جاڭا ينفەكسيالىق گوسپيتال سالىنۋى مۇمكىن ەكەندىگىن مالىمدەدى.
– بىزدە 2 ينفەكسيالىق ستاسيونار جۇمىس ىستەپ تۇر. الايدا ەكەۋىندە دە ينفەكسيالىق باقىلاۋ تالاپتارىنا سايكەس جەلدەتۋ جۇيەسى تولىق جۇمىس ىستەمەيدى. وسىعان بايلانىستى ءقازىر قالا اكىمدىگى مەن قالا اكىمىنىڭ جەكە ءوزىنىڭ تاراپىنان بارلىق تالاپتارعا ساي كەلەتىن 700 ورىندىق جاڭا گوسپيتال سالۋ تۋرالى شارا قابىلدانىپ جاتىر. بۇل ساۋال مەملەكەت باسشىسىنىڭ الماتىعا ساپارى بارىسىندا كوتەرىلدى. اتالعان ساۋال كەزەڭ-كەزەڭىمەن شەشىمىن تاباتىن بولادى، – دەدى تىلەۋحان ابىلدايەۆ.
باسقارما باسشىسى كەڭەس كەزىندە سالىنعان اۋرۋحانالاردىڭ بارلىعى دەرلىك تالاپقا ساي ەمەستىگىن باسا ايتتى.
پىكىر قالدىرۋ