دۇنيەجۇزىلىك دەنساۋلىق ساقتاۋ ۇيىمى (ددسۇ) سارسەنبىدەگى حابارلاماسىندا "كوروناۆيرۋس جوعالمايدى جانە ادامزات ونىمەن ءومىر ءسۇرۋدى ۇيرەنۋى كەرەك" دەدى. بۇل تۋرالى قامشى ءتىلشىسى ءال-جازيراعا سىلتەمە جاساپ حابارلايدى.
– مۇنى ايتۋ وتە ماڭىزدى: بۇل ۆيرۋس ءبىزدىڭ قوعامىمىزداعى كەزەكتى ەندەميالىق ۆيرۋسقا اينالۋى مۇمكىن ءارى بۇل ۆيرۋس ەشقاشان جويىلماۋى ىقتيمال. ايتۆ جويىلعان جوق، ءبىراق ءبىز ۆيرۋسپەن بىرگە ءومىر سۇرۋدەمىز،–دەدى ددۇ توتەنشە جاعدايلار ساراپشىسى مايك رايان ونلاين بريفينگتە.
–مەنىڭ ويىمشا، ءبىز رەاليست بولعانىمىز ماڭىزدى. بۇل اۋرۋدىڭ قاشان جويىلاتىنىن ەشكىم بولجاي المايدى دەپ ويلايمىن. مەنىڭ ويىمشا، بۇل تۋرالى ۋادە جوق جانە مەرزىمدەرى دە جوق. بۇل اۋرۋ ۇزاق ۋاقىتقا سوزىلۋى مۇمكىن نەمەسە جوعالمايدى،–دەدى مايك رايان.
پىكىر قالدىرۋ