الەمدە ءقاۋىپتى كوروناۆيرۋستىق ينفەكسيانىڭ تارالۋىنا قاراماستان مادەنيەت سالاسى ءوز جۇمىسىن توقتاتقان جوق.

شىعىس قازاقستاندا «رۋحاني جاڭعىرۋ» باعدارلاماسىندا جۇكتەلگەن مىندەتتەردى ورىنداۋ ماقساتىندا 2017 جىلدان بەرى «ەرتىستىڭ مۋزىكا الەمى» اتتى جوبا جۇزەگە اسىرىلۋدا. وعان ايماق باسشىسى دانيال احمەتوۆ قولداۋ كورسەتىپ وتىر. بۇل تۋرالى «ەرتىس كونسەرت» كمقك-نىڭ ديرەكتورى دانيار مەرعالييەۆ ءمالىم ەتتى. ايتا كەتەيىك، جوبانىڭ ماقساتى - شىعىسقازاقستاندىق كومپوزيتورلاردىڭ تۋىندىلارىن ساقتاۋ جانە ونى حالىق اراسىندا كەڭىنەن تاراتۋ. سونداي-اق جەرگىلىكتى كومپوزيتورلاردىڭ، ورىنداۋشىلاردىڭ شىعارمالارىن، اسپاپتىق، حورەوگرافيالىق شىعارماشىلىق تۋىندىلارىن ناسيحاتتاۋ. شىعىس قازاقستاندا 2017 جىلدان بەرى اتالمىش جوبا اياسىندا وبلىستىق، رەسپۋبليكالىق جانە حالىقارالىق دەڭگەيدەگى كوپتەگەن ءىس شارالار وتكىزىلۋدە. «ەرتىس كونسەرت» كمقك-دا كاسىبي حورەوگرافيالىق انسامبل قۇرىلدى. ال بولەك وتكەن جىلى «ەرتىستىڭ مۋزىكا الەمى» جوباسى اياسىندا «ەرتىس كونسەرتتە» «Big band» اتتى دجاز وركەسترى مەن «الەم سازى» اتتى ۆوكالدىق-اسپاپتىق انسامبل ءوز جۇمىسىن باستادى. بيىل شقو-دا وتەتىن ءىس شارالار اباي قۇنانباي ۇلىنىڭ 175 جىلدىعىنا وراي ۇيىمداستىرىلادى. دانيار مەرعالييەۆتىڭ ايتۋىنشا، ءتىپتى توتەنشە جاعداي كەزىندە دە ارتىستەر حالىقتى ادامي جانە رۋحاني تۇرعىدان قولداۋ ماقساتىندا جۇمىس ىستەۋدە. «ءبىز بىرگەمىز» اكسياسى اياسىندا «ەرتىس كونسەرت» ۇجىمى مەن قازاقستاندىق ەسترادا جۇلدىزدارىنىڭ قاتىسۋىمەن ونلاين كونسەرتتەر ۇيىمداستىرىلۋدا. بۇگىن «الەم سازى» ۆيا مەن «ەرتىس كونسەرت» سوليستەرىنىڭ قاتىسۋىمەن وتكەن ونلاين كونسەرت الەۋمەتتىك جەلىلەردە جاريالاندى.

«بيگ-بەند» دجاز وركەسترى كونسەرتىنىڭ ءتۇسىرىلىم جۇمىستارى جۇرگىزىلۋدە. بۇدان بولەك سوليست ن.قابدوللايەۆا مەن "التاي" فولكلورلىق ءانسامبلىنىڭ قاتىسۋىمەن "شامشىگە ارناۋ" اتتى كونسەرت تۇسىرىلۋدە. سونداي-اق "ەرتىس كونسەرت" سوليستەرى ا.مازكەنوۆانىڭ فورتەپيانودا سۇيەمەلدەۋىمەن "مۋزىكا دليا دۋشي" اتتى ونلاين كونسەرت وتكىزۋدە. سونىمەن قاتار "ەرتىس كونسەرت" جەتەكشى سوليستەرىنىڭ قاتىسۋىمەن ۇلى جەڭىستىڭ 75-جىلدىعىنا وراي "پوكلونيمسيا تەم ۆەليكيم گودام" اتتى ونلاين كونسەرت ۇيىمداستىرىلۋدا. ۆ.تكاچ پەن ن.قابدوللايەۆانىڭ قاتىسۋىمەن "ءان - شەرۋ" چەللەندجى وتۋدە. وعان قاتىسقان ءداستۇرلى ءاننىڭ ورىنداۋشىلارى ە.رىسقالي، ت.ابۋعازى، م.سالىقپايەۆ، ا.تۇرعانبايەۆا، ق.ورالبايەۆا اباي قۇنانباي ۇلىنىڭ "سەگىز اياق" اتتى تۋىندىسىن ورىندادى. سونداي-اق "كۇي تارتىس" چەللەندجىنە وركەسترلەر (شقو اكىمىنىڭ سيمفونيالىق وركەسترى مەن بايجىگىت اتىنداعى قازاق ۇلتتىق اسپاپتار وركەسترى) قاتىسۋدا.

شقو اقپارات ورتالىعى