ەلىمىزدە جاريالانعان توتەنشە جاعدايعا بايلانىستى تەحنيكالىق جانە كاسىپتىك ءبىلىم بەرۋ ۇيىمدارى قاشىقتىقتان وقىتۋعا كوشتى.
شقو ءبىلىم باسقارماسى باسشىسىنىڭ ورىنباسارى قاجىمۇقان وسپانعالييەۆ وڭىردە تەحنيكالىق جانە كاسىپتىك باعىتتا ءبىلىم بەرەتىن 82 ۇيىم بار ەكەنىن اتاپ ءوتتى. ونىڭ ىشىندە 48ء-ى مەملەكەتتىك، 34ء-ى جەكەمەنشىكتىڭ يەلىگىندە.
وبلىستاعى كوللەدجدەر سanvas، Mوodle، Edu Page، Edus، كۇندەلىك، سوۆا ءبىلىم پلاتفورمالارى مەن كوللەدجدەردىڭ سايتى ارقىلى ستۋدەنتتەردى وقىتۋ جۇيەسىنە كوشتى.
– ءبىز ستۋدەنتتەردى ەلەكتروندى رەسۋرستارمەن تولىق قامتاماسىز ەتۋ ماقساتىندا اناليز جاسادىق. ناتيجەسىندە 501 ادامدا مۇنداي رەسۋرس كوزى جوق ەكەنى انىقتالدى. سوعان بايلانىستى 341 ستۋدەنتكە نوۋتبۋكتەردى ۋاقىتشا تاراتتىق. وبلىستا ينتەرنەت جەلىسى ناشار ۇستايتىن جانە ينتەرنەت جەلىسى مۇلدەم جوق جەرلەردە تۇراتىن 272 ستۋدەنت بار. ءبىز ولارعا تاپسىرمانى، تەستتى، وقۋ ماتەريالدارىن قاعاز جۇزىندە ۇسىنامىز. 230 ستۋدەنت پەن 26 مۇعالىمگە روۋتەرلەر بەرىلدى. بۇل ءوز كەزەگىندە قاشىقتىقتان وقىتۋ جۇيەسىنىڭ جۇمىسىن جەڭىلدەتتى، - دەدى قاجىمۇقان وسپانعالييەۆ.
جالپى ءبىلىم بەرەتىن ورتا مەكتەپتەر مەن كوللەدج تۇلەكتەرىنە يدەولوگيالىق، ۇگىت-ناسيحات جانە باعىت-باعدار بەرۋ جۇمىستارى جۇرگىزىلەدى. مۇنداعى باستى ماقسات – ماماندىق تاڭداۋعا كومەك كورسەتۋ. بالانىڭ ەرەكشەلىكتەرى مەن قىزىعۋشىلىقتارىن، يكەمدىلىگىن باعامداي وتىرىپ، وعان ماماندىق تاڭداۋ كەزىندە دۇرىس باعىت-باعدار بەرۋ.
وسى ماقساتتا «پۋتيەۆوديتەل» باعدارلاماسى جۇزەگە اسىرىلۋدا. وندا 7-11 سىنىپ وقۋشىلارىنىڭ ماماندىق تاڭداۋىنا كومەكتەسۋگە ارنالعان 176 كۋرس بار. www.ctipo.kz سايتىنداعى «تۇلەككە» دەگەن بولىمدە ونلاين رەجيمدە بالانىڭ قانداي ماماندىققا جاقىن ەكەنىن انىقتاۋ ماقساتىندا تەست دايىندالعان. تەستتىڭ قورتىندىسى بويىنشا ماماندىقتى تاڭداپ، كوللەدجدەرگە ءتۇسۋ ءۇشىن ارنايى كۋرستارعا جازىلۋعا بولادى. بۇل كۋرستار بالانىڭ ءوي-ورىسىن كەڭەيتۋعا سەپتىگىن تيگىزەدى.
توتەنشە جاعداي جاريالانعالى بەرى وبلىستا مەكتەپ جانە كوللەدج تۇلەكتەرىمەن 26 ونلاين كەزدەسۋ ءوتتى. وعان 16 مىڭنان استام تۇلەك قاتىستى. وندا بالالاردى قىزىقتىرعان بارلىق ساۋالعا جاۋاپ بەرىلدى. تۇلەكتەردىڭ دەنى مەملەكەتتىك گرانتتى يەلەنۋ ءۇشىن قانشا ۇپاي جيناۋ كەرەك جانە ۋنيۆەرسيتتەردە وقۋعا جەڭىلدىكتەر بەرىلە مە دەگەن سۇراقتاردى قويدى.
– كوللەدجدە جانە جوو-دا ءبىلىم العىسى كەلەتىن تۇلەكتەرگە كاسىپتىك باعىت-باعدار بەرۋ جۇمىستارى ونلاين رەجيمدە جالعاسىن تابادى. مۇنداعى باستى ماقسات – تۇلەكتەرگە وقۋ ورىندارى تۋرالى تولىق اقپارات بەرىپ، ولاردى الەمدەگى زاماناۋي ماماندىقتارمەن تانىستىرۋ، - دەپ قورتىندىلادى قاجىمۇقان وسپانعالييەۆ.
