ماڭعىستاۋدا 15 مامىردان باستاپ تەمىرجول بيلەتتەرى كەزەڭ-كەزەڭىمەن ساتىلىمعا شىعادى.
2020 جىلدىڭ 1 ماۋسىمىنان باستاپ ماڭعىستاۋ تەمىرجول ستانسياسىنان نۇر-سۇلتان، الماتى، اقتوبە، اتىراۋ جانە بەينەۋ باعىتتارى بويىنشا جولاۋشىلار پويىزى جۇرە باستايدى.
قاۋىپسىزدىك شارالارى تەمىرجول ۆوكزالى مەن قاتار جولاۋشىلار پويىزىندا دا قاتاڭ ساقتالادى. زالالسىزداندىرۋ جۇمىستارى جۇرگىزىلەدى.
-«ادامداردىڭ كوپ شوعىرلانۋىنا بايلانىستى ۆوكزال ىشىندە جانە سىرتىندا 1 مەتر اراقاشىقتىقتى ساقتاپ تۇرۋلارى ماڭىزدى. وسى ماقساتتا بىر-بىرنەن الشاق تۇرۋى ءۇشىن جەرگە ارنايى بەلگىلەر قويىلادى» - دەيدى ماڭعىستاۋ تەمىرجول ۆوكزالىنىڭ باستىعى الما ايىمقۇلوۆا.
تەمىرجول بيلەتتەرى 15 مامىردان باستاپ كەزەڭ-كەزەڭىمەن ساتىلىمعا شىعادى. 1 ماۋسىمدا ماڭعىستاۋ ستانسياسىنان كۇن سايىن جۇرەتىن №309/310 «ماڭعىستاۋ – اقتوبە» پوەزىنا، ال 2 ماۋسىمنان باستاپ جۇپ كۇندەرى جۇرەتىن №37/38 «ماڭعىستاۋ – نۇر-سۇلتان-نۇرلى جول» پوەزىنا بيلەتتەر ساتىلا باستايدى دەپ كۇتىلۋدە.
ال، قالعان جولاۋشىلار پوەزدارىنىڭ ءجۇرۋ قوزعالىسى تۋرالى اقپارات الداعى ۋاقىتتا قوسىمشا حابارلانادى.
-«ايماقتا كارانتين ءتارتىبى ەنگىزىلگەنگە دەيىن بيلەت ساتىپ الىپ، كەيىن تاپسىرۋعا ۇلگەرمەي قالعان تۇرعىندار بىزگە اياقتاي كەلىپ تە، تەلەفون شالىپ تا ءجيى حابارلاسىپ جاتىر. وسى رەتتە ايتارىم: بەلگىلى ءبىر سەبەپتەرمەن جولعا شىعا الماي قالعان جولاۋشىلاردىڭ 6 ايعا دەيىنگى ۋاقىتتا ءوز بيلەتىن كاسساعا تاپسىرۋىنا بولادى. جول ءجۇرۋ قۇجاتىنىڭ قۇنى تولىق كولەمدە قايتارىلادى» - دەيدى ا.ايىمقۇلوۆا.
پىكىر قالدىرۋ