ەرتەڭ پرەزيدەنت قاسىم-جومارت توقايەۆتىڭ تۋعان كۇنى. پرەزيدەنتتىڭ باسپا ءسوز حاتشىسى بەرىك ءۋالي پرەزيدەنتتىڭ تۋعان كۇنىندە ەشقانداي شارا وتپەيتىنىن مالىمدەدى.
"سوڭعى كۇندەرى ءبىرقاتار اقپارات قۇرالدارىنىڭ وكىلدەرى "مەملەكەت باسشىسى تۋعان كۇنىن قالاي اتاپ وتەدى؟" دەگەن ساۋال جولداپ جاتىر.
بيىلعى 17 مامىر جەكسەنبى كۇنىنە سايكەس كەلىپ وتىر. سوندىقتان قاسىم-جومارت كەمەل ۇلى ۇيىندە جۇمىس ىستەيدى. اتالعان داتاعا وراي ەشقانداي شارا وتپەيدى. ءتىپتى، پرەزيدەنت اكىمشىلىگىنىڭ قىزمەتكەرلەرىنە تۋعان كۇنىمەن قۇتتىقتاماۋ، ەستەلىك سىيلىقتار تارتۋ ەتپەۋ تۋرالى ەسكەرتۋ جاسالدى. پرەزيدەنت بۇل كۇندى تويلاعاندى ۇناتپايدى. ويتكەنى ول كىسىنىڭ وتباسىندا بالالاردىڭ دا، ەرەسەكتەردىڭ دە تۋعان كۇنى تويلانبايدى ەكەن. ونداي ءداستۇر قالىپتاسپاعان.
دەگەنمەن ەرتەڭ قاسىم-جومارت كەمەلۇلىن تۋعان كۇنىمەن كورشىلەس مەملەكەتتەردىڭ باسشىلارى تەلەفون ارقىلى قۇتتىقتايدى دەپ كۇتىلۋدە. ءقازىردىڭ وزىندە كوپتەگەن مەملەكەت جانە ۇكىمەت باسشىلارىنىڭ، پارلامەنت ءتوراعالارى مەن حالىقارالىق ۇيىم جەتەكشىلەرىنىڭ قۇتتىقتاعان جەدەل حاتتارى كەلىپ جاتىر. مۇنداي قۇتتىقتاۋلار ەرتەڭ كەشكە دەيىن ءالى دە جالعاسا بەرەدى دەپ ويلايمىن"، - دەپ جازدى بەرىك ءۋالي ءوزىنىڭ facebook پاراقشاسىنا.
پىكىر قالدىرۋ