اقش پرەزيدەنتى دونالد ترامپ جىل سوڭىنا دەيىن كوروناۆيرۋستى ەمدەپ جازاتىن ۆاكسينانىڭ دايىن بولاتىنىن مالىمدەپ، ونى تەگىن ەتۋدى قاراستىرىپ جاتقانىن ايتتى. بۇل تۋرالى قامشى ءتىلشىسى The Independent-كە سىلتەمە جاساپ حابارلايدى.
جۋرناليستەردىڭ "ۆاكسينالار تەگىن بولا ما؟" دەگەن سۇراعىنا اقش پرەزيدەنتى اق ۇيدەن كەمپ ديەۆيدكە كەتىپ بارا جاتقاندا "ءبىز ونى قاراستىرىپ جاتىرمىز" دەدى.
– ءبىز ۆاكسينالار بويىنشا ۇلكەن جەتىستىكتەرگە جەتۋدەمىز. ءبىز جاقىن ارادا وسى جايلى سويلەسەمىز ءارى كەمپ ديەۆيدتە وتە جاقسى كەزدەسۋلەر وتكىزەتىن بولامىز دەپ ويلايمىن،–دەدى ترامپ.
اقش پرەزيدەنتى تاعى "ۆاكسينا دايىن بولعان كەزدە، ونى امەريكالىقتارعا تەزىرەك تاراتۋعا كومەكتەسەتىن بارلىق ۇشاقتاردى، جۇك ماشينالارى مەن اسكەري قىزمەتشىلەردى اقش ۇكىمەتى ورنالاستىرادى" دەدى.
پىكىر قالدىرۋ