الماتىدا ساۋدا جانە ويىن-ساۋىق ورتالىقتارى قاشان اشىلۋى مۇمكىن ەكەنى بەلگىلى بولدى، - دەپ حابارلايدى Qamshy.kz اقپارات اگەنتتىگى قالا اكىمدىگىنىڭ جۇرتشىلىقپەن بايلانىس قىزمەتىنە سىلتەمە جاساپ.
"25 مامىردان باستاپ الماتىدا قوناق ءۇي كەشەندەرىن، قوعامدىق تاماقتانۋ نىساندارىن، سو (ساۋدا ورتالىقتارى)، سوو (ساۋدا ويىن-ساۋىق ورتالىقتارى) جانە ساۋدا ۇيلەرىن كەزەڭ-كەزەڭمەن اشۋ ماسەلەسى قاراستىرىلادى. بۇل قالاداعى ەپيدەميولوگيالىق جاعدايعا بايلانىستى"، - دەلىنگەن قالا اكىمدىگىنىڭ حابارلاماسىندا.
سونداي-اق الماتىدا 18 مامىردان باستاپ تۋروپەراتورلار قىزمەتىنەن شەكتەۋ الىنادى. ۇيالى بايلانىستىڭ ابونەنتتىك بولىمشەلەرى، ەكىنشى دەڭگەيلى بانك جانە قارجى سەكتورىنىڭ باسقا دا ۇيىمدارى جۇمىسقا تولىق ورالا الادى. بۇل تاعى 34،2 مىڭ ادامدى جۇمىسپەن قامتاماسىز ەتۋگە مۇمكىندىك بەرەدى.
پىكىر قالدىرۋ