شىعىس قازاقستان وبلىسىندا قاتاڭ رەجيمدەگى وۆ-156/15 تۇرمەسىندە نەكە قيۋ ءراسىمى ونلاين ءوتتى.
سوتتالۋشى ر. مەن سۇيىكتىسى اۋىر كەزەڭدى بىرگە وتكىزۋگە بەل بۋعان. قالىڭدىق نەكە قيۋ ءراسىمىن ونلاين-رەجيمدە وتكىزۋ ءۇشىن احات ءبولىمىنىڭ قىزمەتكەرلەرىمەن بىرگە كەلگەن. قالىڭدىق ونىڭ نەكە قيۋ تۋرالى كۋالىككە قول قويعانىن باقىلاپ وتىردى. احات قىزمەتكەرى ولارعا نەگىزگى سۇراقتاردى قويدى: ولار ءومىردى بىرگە وتكىزۋگە دايىن با؟ بۇل شەشىم ەكى جاقتىڭ كەلىسىمىمەن قابىلدانعان با؟ وسىلايشا كۇيەۋ جىگىت پەن قالىڭدىق كومپيۋتەر مونيتورى ارقىلى «ءيا» دەپ جاۋاپ بەردى.
جاستار بىر-بىرىنە جۇزىك بەردى، ءبىراق كۇيەۋ جىگىت تەك بوستاندىققا شىققان سوڭ تاعاتىن بولادى. راسىمگە سوتتالۋشىنىڭ اكەسى قاتىسىپ، جاستاردى قۇتتىقتاپ، قالىڭدىققا گۇل سىيلادى.
– جاستارعا وتباسىلىق باقىت تىلەيمىز جانە تەزىرەك بىر-بىرلەرىنە قوسىلىپ، بالالارىن تاربيەلەۋلەرىنە تىلەكتەسپىز، – دەدى شقو قىلمىستىق-اتقارۋ جۇيەسى دەپارتامەنتىنىڭ باسپا ءسوز قىزمەتىنىڭ وكىلدەرى.
پىكىر قالدىرۋ