ديسسەرتاسيانى قورعاۋ كەزىندەگى جاريالانىمدارعا قويىلاتىن تالاپتار قايتا قاراستىرىلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جاريالادى.

– ق ر ءبىلىم جانە عىلىم مينيسترلىگىنىڭ ءتيىستى بۇيرىعى ق ر ادىلەت مينيسترلىگىندە تىركەلدى. بۇعان دەيىن دوكتورانت قورعاۋ كەزەڭىنە دەيىن جەتۋ ءۇشىن 7 ماقالا جاريالاۋى ءتيىس بولاتىن. بۇل كورسەتكىشكە قول جەتكىزۋ ءۇشىن دوكتورانتتار ساپاسى كۇمان تۋدىراتىن جۋرنالداردا جاريالانىمدار جاساۋعا ءماجبۇر بولدى. ءبىزدىڭ عالىمداردىڭ ماقالالارى حالىقارالىق بازالاردان الىنىپ تاستالعان، تۇككە تۇرمايتىن جۋرنالداردا جاريالانعان كەزدەر دە بولدى. وسىعان بايلانىستى ءبىز بۇل تاجىريبەنى وزگەرتۋ جونىندە شەشىم قابىلدادىق، – دەدى مينيستر.

ول ەندى ساپاسى تومەن جۋرنالداردا 7 ماقالانىڭ ورنىنا، جوعارى كۆارتيلگە كىرەتىن باسىلىمداردا ماقالالار جاريالانسا جەتكىلىكتى دەپ اتاپ ءوتتى.

– ال ءبىرىنشى كۆارتيل قۇرامىنا كىرەتىن جۋرنالداردا ءبىر عىلىمي ماقالا شىققان بولسا، وزگە جاريالانىمدار تالاپ ەتىلمەيدى. بۇل شارا ساپاسىز جاريالانىمداردىڭ سانىن ازايتىپ، جۇكتەمەنى جەڭىلدەتەدى جانە عالىمداردى دايەكسوزدەرى تارالۋ بويىنشا جوعارى دەڭگەيدەگى وريگينالدى عىلىمي ماقالالار جازۋعا ىنتالاندىرادى، – دەپ جازدى ا. ايماعامبەتوۆ.