14 مامىر كۇنى كەشكىلىك الماتىدا سوققان داۋىل مەن نوسەر جاڭبىردىڭ سالدارىن قالالىق توتەنشە جاعدايلار قىزمەتىنىڭ قولداۋىمەن 109 قىزمەتىنىڭ قۇتقارۋشىلارى جويدى.

سارسەنبى كۇنى كەشكى ساعات 20.00-دە الاتاۋ، المالى، اۋەزوۆ، بوستاندىق، جەتىسۋ، مەدەۋ، تۇركسىب اۋداندارىندا تۇرعىن ۇيلەر مەن باسقا دا سۋ باسۋ ءقاۋپى بار عيماراتتاردا الدىن الۋ جۇمىستارى باستالدى.

قۇتقارۋ قىزمەتى بولىمشەلەرىنىڭ باستى كۇشتەرى مەن قۇرالدارى قالا كوشەلەرىندە جەلدەن سىنعان اعاشتاردى جيناپ جانە الاتاۋ اۋدانىندا ورنالاسقان جەكە سەكتوردىڭ اۋلالارىنان جاڭبىر سۋىن سورىپ شىعاردى.

نوسەر جاڭبىر مەن سەكۋندىنا 15 مەتر جىلدامدىقپەن سوققان جەلدىڭ سالدارىن جويۋدى 35 قالالىق قۇتقارۋشى 11 بىرلىك تەحنيكا، 2 موتوپومپا كومەگىمەن تجد قىزمەتكەرلەرى جانە اۋداندىق اكىمدىكتەردىڭ قولداۋىمەن جۇزەگە اسىردى.

ەستەرىڭىزگە سالساق، اۋا رايىنىڭ كۇرت وزگەرۋىنەن جانە وتكەن سارسەنبى كەشكىلىك مەگاپوليستە جاۋعان نوسەردىڭ سالدارىنان الماتىنىڭ ءار اۋماعىندا ءبىر كوشە مەن ەكى جەكە اۋلانى سۋ باسىپ، 37 اعاشقا زاقىم كەلدى.

شۇعىل قابىلدانعان شارالاردىڭ ارقاسىندا سوڭعى ءبىر جارىم كۇندە قۇتقارۋشىلار جاعدايدى باقىلاۋعا الىپ، اپات سالدارىن جويدى.

اپات سالدارىن جويۋ جانە قالپىنا كەلتىرۋ جۇمىستارى تۇنگى ۋاقىتتا دا ءبىر مينۋتقا توقتاعان جوق جانە كەيبىر مەكەن-جايلاردا ول جۇمىستار ءالى جالعاسۋدا.

«قازگيدرومەت» رمك الماتى فيليالىنىڭ حابارلاۋىنشا، 14 مامىر كۇنى الماتىدا داۋىل بولاتىنى الدىن الا جاريالاندى. ەكى كۇن ىشىندە مەگاپوليستە 49،5 مم جاۋىن-شاشىن تۇسكەن. سينوپتيكتەردىڭ بولجامىنشا جاڭبىرلى اۋا رايى 20 مامىرعا دەيىن جالعاسادى.