بۇگىن كەشكى ساعات 20:00-دە YouTube الەۋمەتتىك جەلىسىندە تىكەلەي ەفيردە "سەن" پارتياسىن قۇرۋشى مەدياترەنەر احمەتبەك نۇرسيلا مەن يتالياداعى وپپوزيسيونەر ەرجان تۇرعىمباي اراسىندا ساياسي دەبات ءوتتى. بۇل تۋرالى قامشى ءتىلشىسى حابارلايدى.

ەموسياعا تولى وتكەن دەباتتىڭ جالپى بارىسىندا ەرجان تۇرعىمباي "سەندەر ساياسي ويىنشىسىڭدار" دەگەن ويىنا تاباندى بولسا، احمەتبەك نۇرسيلا "شەتەلدە جاتىپ، حالىقتى ارانداتپاي، ەلگە كەلىپ حالىقپەن بىرگە كۇرەسىڭدەر" دەگەن كوزقاراسىن كورسەتتى. 

ساياسي دەبات كەزىندا ەرجان تۇرعىمباي 2017 جىلدان بەرى ساياساتقا كەلگەنىن، ساياسي تارتىستا 2 جىلداي تاجىريبەسى بار ەكەنىن ايتىپ ، احمەتبەك نۇرسيلادان ساياساتتان قانشالىق ءبىلىمى بارلىعى تۋرالى، بيلىكتىڭ تارماقتارى تۋرالى نەگىز سۇراقتاردى قامتىعان بىرنەشە ساۋال قويدى.

ال احمەتبەك "2001-2002 جىلداردا  راحات الييەۆ ەلدى ءبۇلدىرىپ جاتقاندا، ميتينگىگە شىعىپ، مىنبەردە سويلەگەن ءبىز بولاتىنبىز. مەنىڭ دوسىم تولەن توقتاسىنوۆ پرەزيدەنتكە كۇيەۋ بالاڭ ەلدى توناپ جاتىر دەگەندە، دەپۋتاتتار جۋرناليستەرگە ينتەرۆيۋ بەرە الماي كابينەتتەرىنە تىعىلىپ قالعان" دەپ سول كەزدە قامالعان دوستارى عالىمجان جاقيانوۆ پەن لۋكين الەكساندرعا پيكەت ۇيىمداستىرعانىن ايتتى.

دايىنداپ كەلگەن سۇراقتارىن نۇرسيلاعا بىر-بىرلەپ قويعان ەرجان تۇرعىمباي جاڭا پارتيا قۇرعان كاسىپكەردىڭ ەكونوميكالىق، ساياسي قابىلەتتەرىنە عانا ەمەس، حالىق ءۇشىن قىزمەت كورسەتەتىنىنە كۇمان كەلتىرەتىنىن جەتكىزدى. 

ءبىر جارىم ساعاتقا جۋىق جالعاسقان ەموسياعا تولى ءسوزجارىستىڭ سوڭىندا احمەتبەك نۇرسيلا دەباتتى اياقتاۋعا ءماجبۇر بولعانىن ايتىپ، ەفيردەن كەتىپ قالدى.