الماتىدا 25 مامىردان باستاپ اۋماعى 500 شارشى مەتردەن استام 138 ساۋدا نىسانىنىڭ جۇمىسىنا قويىلعان شەكتەۋ الىنادى، دەپ Qamshy.kz اقپارات اگەنتتىگى قازاقپارات دەرەگىن نەگىزگە الىپ حابارلايدى.
"ساۋدا ورتالىقتارىنا تۇنگى ساعات 23:00-گە دەيىن جۇمىس ىستەۋگە رۇقسات بەرىلەدى. ساۋدا ۇيلەرى مەن ورتالىقتاردىڭ اۋماعىندا ورنالاسقان فۋد-كورتتاردى اشۋ – 2ء-شى كەزەڭ شەڭبەرىنە، سپا، فيتنەس-ورتالىقتارى مەن ويىن-ساۋىق نىساندارىن اشۋ – 3ء-شى كەزەڭگە جوسپارلانىپ وتىر. ولاردىڭ اشىلۋ كۇنى قالاداعى ەپيدەميولوگيالىق جاعدايعا بايلانىستى بولادى"، دەلىنگەن اكىمدىكتىڭ حابارلاماسىندا.
سونىمەن قاتار ساۋدا ورتالىقتارىنىڭ اۋماعىندا ورنالاسقان ازىق-تۇلىك ساتپايتىن بۋتيكتەر، ءسان سالوندارى، حيميالىق تازالاۋ جانە مەيرامحانالار جۇمىسىن باستايدى.
پىكىر قالدىرۋ