اتىراۋ وبلىسىنداعى اتىسقا قاتىسى بار دەگەن كۇدىكتىلەردىڭ ءبىرى ۇستالدى.

"15 مامىردا اتىراۋ وبلىسى ماقات اۋىلىندا اتىس بولىپ، 1985 جىلعى جەرگىلىكتى تۇرعىن قازا تاپتى. پوليسيا قىزمەتكەرلەرى ەكى كۇدىكتىنى انىقتادى. ولاردىڭ ءبىرى ۇستالىپ، قاماۋعا الىندى. ق ر قىلمىستىق كودەكسىنىڭ 99-بابىنىڭ 1-بولىگى بويىنشا سوتقا دەيىنگى تەرگەۋ باستالدى. قىلمىستىق-پروسەستىك كودەكستىڭ 201-بابىنا سايۋەس، سوتقا دەيىنگى تەرگەۋ مالىمەتتەرىن جاريالاۋعا بولمايدى"، - دەلىنگەن وڭىرلىك پوليسەيلەردىڭ حابارلاماسىندا.

ەسكە سالايىق، كەشە اتىراۋ وبلىسىندا اتىس بولىپ، ءبىر ادامنىڭ قازا تاپقانى حابارلانعان ەدى. رەسمي ەمەس مالىمەتكە سايكەس، جەرگىلىكتى تۇرعىندار اراسىندا جانجال تۋىنداپ، جاپپاي توبەلەس بولعان. ونىڭ سوڭى اتىسقا ۇلاسىپتى. توبەلەس بارىسىندا اڭشىلىق قارۋى قولدانىلعان. 35 جاستاعى ەر ادام وقيعا ورنىندا قازا تاپقان. 29 جاستاعى تۇرعىن جارالانعان. ول اۋداندىق اۋرۋحاناعا جاتقىزىلعان.