بۇگىن بەلگىلى جۋرناليست بەيسەن قۇرانبەك 49 جاسقا قاراعان شاعىندا اۋىر سىرقاتتان كوز جۇمدى. Qamshy.kz اقپارات اگەنتتىگى مارقۇمنىڭ جازىپ كەتكەن كەيبىر تاعىلىمدى سوزدەرىن وقىرمان نازارىنا ۇسىنادى.

" – ءبىزدىڭ بايىمىز كەزىندە ارىستانداي اقىرىپ تۇرۋشى ەدى. ءقازىر قاتىنىنان قورىقپاي ايقاي سالاتىن ەركەك بار ما ءوزى؟ – دەدى ويىنا وي ءتۇسىپ كەتكەن اپام.

– قايتەدى ەكەن دەپ: «ءاي، قاتىن!» دەپ ايقاي سالدىم، اس ۇيدە جۇرگەن كەلىنشەگىمە. ايتارىمدى ايتتىم عوي. ءبىراق، ءىشىم قىلپىلداپ كەتتى، رەنجىپ قالماس پا ەكەن دەپ.

سودان با، داۋىسىم دا ءتۇز تاعىسىنىكىندەي ىزبارلى ەمەس، سيركتەگى اڭنىڭ ۇنىندەي جالىنىشتى شىقتى.

سونى بايقاپ قويعان اپام: اتاڭ ايقايلاعاندا مەن ءسۇرىنىپ، قابىنىپ جەتۋشى ەم، سەنىڭ «ءاي، قاتىنىڭنان» اناۋىڭ سەلت ەتپەدى دە عوي دەپ كۇلدى.

اپاممەن اراداعى جاراسىمدى قالجىڭنىڭ ءبىرى عوي. دەسە دە، ويلانىپ قالدىم. ءقازىر ءبىز ەركەكتەر تىم سىپايى بولامىز دەپ ەركەكتىك تابيعاتىمىزدى ۇيىقتاتىپ تاستاعان جوقپىز با؟"

(بەيسەن قۇرانبەك facebook پاراقشاسىنان)