بۇگىن حالىق تانىمال تەلەجۇرگىزۋشى بەيسەن قۇرانبەكتى اقتىق ساپارعا شىعارىپ سالدى. قوشتاسۋ ءراسىمى تالدىقورعان قالاسىنداعى جۋرناليستەر ۇيىندە ءوتتى، دەپ جازادى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ. 

«2004 جىلى پرەزيدەنتتىڭ جانىندا بىرگە جۇمىس ىستەدىك. سول كەزدە مەن بەيسەننىڭ ەڭبەكقورلىعىنا ءتانتى بولاتىنمىن. ول اجەسىن استاناعا الىپ كەلدى. ءبىراق ۇلكەن كىسى ەلوردانى ۇناتپاعاننان كەيىن ول شىعارماشىلىعىن تاستاپ، ۇيىنە قايتتى. سول كەزدە «بەيسەكە، ءسىزدىڭ بولاشاعىڭىز كەرەمەت، ءسىزدى پرەزيدەنتتىڭ ءوزى جاقسى تانيدى، ەلوردادا قالساڭىزشى» دەگەنىمدە، كەلىسپەدى. «اپام ءومىر باقي جانىمدا بولمايدى. ال جۇمىس تابىلادى» دەدى. بەيسەننىڭ دانالىعىنا مەن اركەز تاڭقالاتىنمىن. جانىڭ ءجانناتتا بولسىن، دوسىم»، - دەدى جۋرناليست الەكساندر اكسيۋتيس.

بەيسەن قۇرانبەك تۋرالى جىلى ەستەلىكتەرىمەن بولىسكەن جۋرناليست نۇرتىلەۋ يمانعالي ۇلى "بەيسەنتانۋ" عىلىمىن قالىپتاستىرۋ تۋرالى ۇسىنىس ايتتى.

بەيسەن قۇرانبەك اباي ۇلى 49 جاسقا قاراعان شاعىندا ومىردەن وزدى. مارقۇم تالدىقورعانعا قاراستى ەركىن اۋىلىندا جەرلەنەدى.