ەلوردادا مامىردىڭ باسىنان بەرى Covid-19 جۇقتىرعاندار سانى ەكى ەسە ازايدى، دەپ ەلوردا اكىمدىگىنىڭ رەسمي سايتى حابارلادى.

– جالپى، مامىردىڭ ءبىرىنشى اپتاسىندا ەلوردادا 376 كۆي وقيعاسى تىركەلگەن، ورتاشا ءوسىم – 6،4%. مامىر ايىنىڭ ەكىنشى اپتاسىندا 185 جاعداي تىركەلدى، ورتاشا ءوسىم – 2،3%. جاعدايدىڭ ەكى ەسەگە ازايعانى بايقالادى، ءوسىم – 64%، – دەپ اتاپ ءوتتى س.قيسىقوۆا.

قالادا بارلىعى 1 287 كۆي جاعدايى تىركەلگەن. ونىڭ ىشىندە 683 ادام ستاسيونارلاردا، 602 ادام (46،8%) ساۋىققاننان كەيىن شىعارىلدى، قايتىس بولعان 5 ادام.

وتكەن تاۋلىكتە 36 جاڭا جاعداي تىركەلدى (تىركەلگەندەردىڭ ءوسىمى – 2،9%)، ونىڭ 21ء-ى ۆيرۋس جۇقتىرعاندارمەن جاقىن بايلانىستا بولعان، ال 9-ى ستاسيوناردا جۇرگەن ادامدار اراسىندا انىقتالدى. تاعى بىرەۋى وڭىرلەردەن كەلگەندەر اراسىندا، 5 جاعداي مساك ۇيىمدارىنا ءوزى جۇگىنگەندەر اراسىنان انىقتالدى.

قالادا 75 355 زەرتحانالىق زەرتتەۋلەر (پتر) جۇرگىزىلدى. تاۋلىگىنە 3 200 زەرتتەۋ قۋاتى بار 5 ۆيرۋسولوگيالىق زەرتحانا جۇمىس ىستەيدى. جاقىندا عانا تاۋلىگىنە 150 زەرتتەۋ قۋاتى بار № 3 كقبا بازاسىندا تاعى ءبىر زەرتحانا اشىلدى.

بۇگىندە بەكىتىلگەن تارتىپكە سايكەس قالانىڭ ۇيىمدارى مەن ۆەدومستۆولارى بويىنشا 35 904 ەكسپرەسس-تەست ءبولىندى. ونىڭ ىشىندە 31 721 (88%) تەست جاسالىپ، 417 (1،3%) جاعداي وڭ ناتيجە كورسەتتى. بارلىعى پتر ادىسىمەن تولىق تەكسەرىلگەن. ونىڭ قورىتىندىسى بويىنشا 4 ەمدەلۋشىدە كۆي انىقتالىپ، ينفەكسيالىق ستاسيوناردا ەمدەلۋدە.