رەسەي اسپانىندا بەلگىسىز جارىق زات پايدا بولدى. "تۇنگى اسپاندا جارقىراعان عارىشتان كەلگەن قوناق ورىستاردى ۇرەيلەندىردى" دەپ جازدى بريتانيالىق The Sun گازەتى. بۇل تۋرالى قامشى ءتىلشىسى حابارلايدى. 

ءسىبىر اسپانىندا ۇشىپ بارا جاتقان جۇمباق شار پايدا بولعان. رەسەيدىڭ كەمىندە 4 ايماعىندا تۇسىرىلگەن ۆيدەولاردا ۇلكەن جانە جارىق نىسان كورىنگەن. كۋاگەرلەر «ءتۇندى كۇندىز ەتتى» دەيدى. 

ءبىر بايقاۋشى: "مەن ءبىر گۋىل ەستىدىم، سودان كەيىن يتتەر ۇرە باستادى. مەن ونىڭ نە ەكەنىن تۇسىنبەدىم" دەسە، تاعى بىرەۋى: «جارقىراعان، اق جانە كوك» دەگەن.

ءبىر كۋاگەر بۇرىن-سوڭدى كورمەگەن جارقىراعان زاتتى بايقاعانىن ايتسا، ال ەكىنشى ءبىر ادام: "جارىق اق تۇسكە وزگەرىپ، سودان كەيىن جارىلىس بولدى»، - دەدى.

جارىق زات كراسنويارسك، تۋۆا، حاكاسيا جانە كەمەروۆو اۋماقتارىنىڭ اسپانىندا كورىنگەن.

كەيبىر ماماندار ولاردىڭ رەسەي زىمىرانى بولۋى مۇمكىندىگىن ايتادى، سەبەبى مەتەوريتتىڭ جەرگە قۇلاعانىنا دالەلدەر جوق.

– بۇل قورشاعان ورتادا جاعىلعان مەتەور بولۋى مۇمكىن، – دەيدى كەيبىر ماماندار.