انتاركتيدادا تاجىريبە جاساپ جاتقان NASA عالىمدارىنىڭ توبى (ANITA) فيزيكا ەرەجەلەرى قاراما-قايشى پاراللەل عالامنان كەلۋى مۇمكىن بولشەكتەردى انىقتادى بۇل تۋرالى قامشى ءتىلشىسى Daily Star باسىلىمىنا سىلتەمە جاساپ حابارلايدى.
– پاراللەل عالام تۋرالى تۇسىنىك 1960-شى جىلداردىڭ باسىنان باستاپ، نەگىزىنەن عىلىمي-تەلەحيكايالار مەن كوميكستەردىڭ جانكۇيەرلەرىنىڭ ويىندا بولدى، ءبىراق ءقازىر عارىشتىق ساۋلەلەردى انىقتاۋ ەكسپەريمەنتى پاراللەل الەمنەن تۋىندايتىن بولشەكتەردى تاپتى،–دەپ حابارلايدى Daily Star.
Daily Star گازەتىنىڭ مالىمەتىنشە، گاۆايي ۋنيۆەرسيتەتىنىڭ ەكسپەريمەنتتىك بولشەكتەر فيزيگى پيتەر گورحام باس زەرتتەۋشى بولعان ANITA توبى بارلاعان بولشەكتەردىڭ ۋاقىتى ارتقا قاراي جۇرەتىنى تۇجىرىمدالۋدا.
بۇل فەنومەننىڭ قاراپايىم تۇسىندىرمەسى: 13،8 ميلليارد جىل بۇرىن ۇلكەن جارىلىس كەزىندە ەكى الەم پايدا بولدى. بىرەۋى ءبىزدىڭ الەم جانە بىرەۋى ءبىزدىڭ ۋاقىتقا كەرى باعىتتا جۇرەتىن الەم.
ايتا كەتەيىك، Daily Star-دىڭ بۇل جاڭالىعىنان كوپ وتپەي، بريتانيالىق Daily Mail باسىلىمى "پاراللەل عالامنان كەلۋى مۇمكىن بولشەكتەر" تۋرالى دەرەكتەردىڭ وزگە دە الەمدىك جەتەكشى عالىمدارعا زەرتتەۋ ءۇشىن بەرىلگەنىن حابارلادى.
پىكىر قالدىرۋ