الماتى قالاسىنىڭ اكىمى باقىتجان ساعىنتايەۆ قوعامدىق كەڭەس مۇشەلەرىمەن قالاداعى ەپيدەميولوگيالىق جاعدايدى، كارانتين كەزەڭىندە سانيتارلىق قاۋىپسىزدىكتى قامتاماسىز ەتۋ جانە قالانىڭ قالىپتى تىرشىلىگى مەن Exit Strategy ەكونوميكاسىنىڭ كەزەڭ-كەزەڭىمەن قالپىنا كەلتىرۋ جوسپارىن جۇزەگە اسىرۋ بويىنشا قابىلدانىپ جاتقان شارالاردى تالقىلادى.
بەينە-كونفەرەنس-بايلانىس رەجيمىندە وتكەن كەزدەسۋدە كوروناۆيرۋستىق ينفەكسياعا قارسى ءىس-قيمىل جانە ەپيدەميولوگيالىق جاعدايدى تۇراقتاندىرۋ شارالارى بويىنشا ماسەلەلەر پىسىقتالدى.
الماتىدا ەپيدەمياعا قارسى ءىس-قيمىل جۇمىستارى 6 قاڭتاردا ءۇش كەزەڭ بويىنشا باستالدى. ينفەكسيانىڭ سىرتتان اكەلىنۋىن بولدىرماۋ ماقساتىندا قالاعا كەلەتىن بارلىق حالىقارالىق كىرۋ جولدارىندا سانيتارلىق-ەپيدەميالىق باقىلاۋدى كۇشەيتۋ؛ ەپيدەمياعا قارسى اۋقىمدى ءىس-شارالار؛ ينفەكسيانىڭ جاسىرىن رەزەرۆۋارلارىن انىقتاۋ جانە جاپپاي تەستىلەۋ جۇرگىزۋ ارقىلى ەپيدەميولوگيالىق جاعدايدى تولىق باقىلاۋدى قامتاماسىز ەتۋ سياقتى شارالار قابىلداندى.
ءقاۋىپ توبىنداعى تەستىلەۋگە جاتاتىن ءبىرىنشى كەزەكتە مەديسينالىق ۇيىمداردىڭ، قۇقىق قورعاۋ ورگاندارىنىڭ، كوممۋنالدىق قىزمەتتەردىڭ قىزمەتكەرلەرى، ۇلتتىق ۇلاننىڭ اسكەري قىزمەتشىلەرى، تىنىس الۋ جولدارىندا سوزىلمالى اۋرۋلارى بار ادامدار جانە رەسپيراتورلىق بەلگىلەرى بار ناۋقاستار كىردى.
بۇگىندە 126 672 تەست جۇرگىزىلدى. سونىڭ ىشىندە 102 170 ادام پتر ادىسىمەن، 24 502 ادام ەكسپرەسس-تەستپەن تەكسەرىلدى. تەست 1872 ادامدا وڭ ناتيجە كورسەتتى. سونىڭ ىشىندە 92% پروفيلاكتيكالىق سكرينينگتەر كەزىندە؛ 1% – سىرتتان اكەلىنگەن جاعدايلار؛ 7% – جەرگىلىكتى جاعدايلار.
100 مىڭ حالىققا پتر ادىسىمەن زەرتتەۋ كورسەتكىشى 4903 زەرتتەۋدى قۇرايدى. بۇل دامىعان ەۋروپالىق ەلدەردىڭ دەڭگەيىنە سايكەس كەلەدى. زەرتحانالىق قىزمەتتەردىڭ بارلىق الەۋەتى ىسكە قوسىلدى. زەرتحانالار سانى 2-دەن 7-گە دەيىن ءوستى، ءموبيلدى قورشاۋ پۋنكتى اشىلدى، 8 جىلجىمالى قابىلداۋ پۋنكتىن اشۋ جوسپارلانۋدا. جالپى كۆي-گە تەستىلەۋ كولەمىن كۇنىنە 4500-5000 دەيىن جەتكىزۋ جوسپارلانىپ وتىر.
سونداي-اق شاھار باسشىسى ب. ساعىنتايەۆ مەديسينا قىزمەتكەرلەرى مەن قالا تۇرعىندارىن الەۋمەتتىك جاعىنان قولداۋ شارالارى تۋرالى دا مالىمدەدى. مەملەكەت باسشىسىنىڭ تاپسىرماسىنا سايكەس مەديسينا قىزمەتكەرلەرىن قولداۋدىڭ كەشەندى جۇيەسى قۇرىلدى. مەديسينالىق مەكەمەلەر جەكە قورعانۋ قۇرالدارىنىڭ جەتكىلىكتى كولەمىمەن جانە دەزينفەكسيالاۋ قۇرالدارىمەن قامتاماسىز ەتىلگەن.
مەديسينالىق ۇيىمداردا جۇقتىرۋدىڭ الدىن الۋ شارالارى قابىلداندى. ول ءۇشىن تازا جانە لاس ايماقتاردى شەكتەۋ ءۇشىن ارنايى شليۋزدەر سالىندى. مەديسينالىق قىزمەتكەرلەرگە ۋاقىتشا باسپانا بەرىلىپ، ىستىق تاماق پەن كولىك ۇيىمداستىرىلدى.
ناۋرىز ايىندا 3769 مەديسينالىق قىزمەتكەرگە 1134،8 ملن. تەڭگە، ءساۋىر ايىندا 4391 مەديسينالىق قىزمەتكەرگە 1 567،5 ملن. تەڭگە ۇستەماقى تولەندى. Nur Otan Almaty Birgemiz پارتياسىنىڭ قورىنان 970 مەديسينا قىزمەتكەرى 48،5 ملن. تەڭگە الدى.
جيىنداعى تالقىلاۋ بارىسىندا ەكونوميكانى قالپىنا كەلتىرۋ جانە كاسىپورىنداردىڭ قىزمەتىن جاڭارتۋ، جۇمىس ورىندارىن قۇرۋ، شوب-تى قولداۋ، الەۋمەتتىك ماسەلەلەردى شەشۋ مەن ءبىلىم بەرۋ نىساندارىن سالۋ، سونداي-اق قالا ەكولوگياسىن ساۋىقتىرۋ ماسەلەلەرى كوتەرىلدى.
ونلاين-رەجيمدە وتكەن كەزدەسۋ 2،5 ساعاتقا سوزىلدى. قوعامدىق كەڭەس مۇشەلەرى ءوز ەسكەرتۋلەرى مەن ۇسىنىستارىن ايتىپ، جالپىقالالىق ماسەلەلەردى شەشۋدە بەلسەندى اتسالىسۋعا دايىن ەكەندىكتەرىن جەتكىزدى.
پىكىر قالدىرۋ