ماڭعىستاۋ وبلىسىنىڭ اكىمى سەرىكباي ترۇموۆ جۇمىس ساپارىمەن قاراقيا اۋدانىنا قاراستى جەتىباي اۋىلىنا باردى.

الدىمەن ءوڭىر باسشىسى جاڭادان سالىناتىن جىلىجاي كەشەنىنە باردى. جوبانىڭ قۇرىلىسى قىركۇيەك ايىندا باستالادى دەپ كۇتىلۋدە. باستاپقىدا 2 گا جەرگە كوكونىستەر ەگىلەدى. ونى جەرگىلىكتى اۋىل تۇرعىنى ىسكە اسىرىپ، ىشكى نارىقتى تابيعي كوكونىسپەن قامتاماسىز ەتۋگە نيەتتى. بۇگىندە جىلىجاي اۋماعىنا بارلىق قاجەتتى ينفراقۇرىلىم تارتىلعان: اۆتونومدى سۋمەن قامتاماسىز ەتۋ جانە ەلەكتر قۋاتى بار. نىسان اعىمداعى جىلدىڭ سوڭىنا دەيىن ىسكە قوسىلىپ، 40 ادامدى جۇمىسپەن قامتىماق. ءوڭىر باسشىسى جاڭا جوبانى قولداپ، ساتتىلىك تىلەدى.

بۇدان كەيىن س.ترۇموۆ №4 ورتا مەكتەپتىڭ جوندەۋ جۇمىستارىمەن تانىستى. عيماراتتىڭ ءىشى مەن سپورتزالىنا ءجۇرىپ جاتقان كۇردەلى جوندەۋدى «نۇرجول قۇرىلىس» مەكەمەسى جۇرگىزۋدە. «جۇمىسپەن قامتۋدىڭ جول كارتاسى» باعدارلاماسى اياسىندا 100-گە جۋىق جەرگىلىكتى مامان جۇمىسقا تارتىلدى. اتالعان جۇمىستار اعىمداعى جىلدىڭ مامىر ايىندا باستالدى. بيىل تامىز ايىندا عيمارات پايدالانۋعا بەرىلەدى.

سونداي-اق، وبلىس اكىمىنە جەتىباي اۋىلىندا ءمودۋلدى كارىزدىك تازارتۋ عيماراتىن ورناتۋ بويىنشا ىسكە اسىرىلىپ جاتقان جۇمىستار باياندالدى. بۇگىندە وندا قۇرىلىس-مونتاج جۇمىستارى ءجۇرىپ جاتىر. سونداي-اق، 5 قۇدىق ورناتىلىپ، توق جەلىسى جۇرگىزىلۋدە. جوبانىڭ قۋاتتىلىعى 100 م3/ساع. قۇرىلىس جۇمىستارىنا "جۇمىسپەن قامتۋدىڭ جول كارتاسى" مەملەكەتتىك باعدارلاماسى اياسىندا جەرگىلىكتى كادرلار (20 ادام) تارتىلدى. نىساندى اعىمداعى جىلدىڭ قازان ايىندا تاپسىرۋ جوسپارلانۋدا.
سونىمەن قاتار، وبلىس اكىمى اۋىلىشىلىك اۆتوموبيل جولدارىنىڭ جوندەۋ جۇمىستارىمەن تانىستى. ورتاشا جوندەۋ جۇمىستارى اعىمداعى جىلدىڭ مامىر ايىندا باستالدى، شىلدە ايىنا دەيىن جالعاسادى. مەردىگەر: «اقجول +ك» ج ش س. اتالعان جۇمىستارعا حالىقتى جۇمىسپەن قامتۋ ورتالىعى ارقىلى 50 ادام تارتىلعان. سەرىكباي ترۇموۆ جۇمىستى ساپالى جانە ۋاقىتىلى ورىنداۋدى تاپسىردى.

بۇدان كەيىن وبلىس اكىمى جالعا بەرىلەتىن تۇرعىن ۇيلەردىڭ قۇرىلىس الاڭىنا باردى. 72 پاتەرلى تۇرعىن ءۇي قۇرىلىسى 2019 جىلدىڭ قاراشا ايىندا باستالدى. مەردىگەر: "وڭداسىن-ستروي" ج ش س. بۇگىنگى كۇنى جۇمىستىڭ 20% اياقتالىپ تۇر. الاڭدا 46 مامان جۇمىس ىستەيدى. قۇرىلىس مەرزىمى - 11 اي.
بۇگىندە قاراقيا اۋدانى بويىنشا تۇرعىن ءۇي كەزەگىندە 1039 ادام تۇر. ونىڭ 435ء-ى جەتىباي اۋىلىنىڭ تۇرعىندارى جانە 114ء-ى اپاتتى جاعدايداعى تۇرعىن ءۇي ساناتى بويىنشا كەزەكتە تۇرعاندار. كەزەكتە تۇرعان تۇرعىنداردى پاتەرمەن قامتۋ ماقساتىندا مەردىگەر مەكەمە قوسىمشا ءتورتىنشى قاباتتى قوسا سالۋ بويىنشا ۇسىنىس جاسادى. وبلىس اكىمى تەحنيكالىق مۇمكىندىكتەرمەن تانىسا وتىرىپ، ۇسىنىستى قولداپ، قاجەتتى قۇجاتتاردى دايىنداۋدى تاپسىردى.

سونىمەن قاتار، وبلىس اكىمى وقۋشىلار ورتالىعى عيماراتىنىڭ قايتا جاڭارتۋ جۇمىسىمەن تانىستى. بۇل جەردە جۇمىستار اعىمداعى جىلدىڭ ناۋرىز ايىندا باستالدى. جوباعا سايكەس مۇندا بالالارعا ارنالعان شىعارماشىلىق ۇيىرمەلەر، سپورتتىق ۇيىرمەلەر اشۋ جوسپارلانۋدا. مەردىگەر مەكەمە: «شانس – 21» ج ش س. نىسان 2020 جىلدىڭ تامىز ايىندا پايدالانۋعا بەرىلەدى دەپ جوسپارلانۋدا.