بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى توتەنشە جاعداي دەپارتامەنتى باسشىسىنىڭ ورىنباسارى بەكبولات ءابدىقادىروۆ مالىمدەدى.

ماڭعىستاۋ وبلىسىنىڭ باس مەملەكەتتىك سانيتارلىق دارىگەرىنىڭ (07.05.20گ. № 18-پگسۆ، 12.05.20گ. №20-پگسۆ) قاۋلىلارىنا نەگىزىندە، ەلدەگى توتەنشە جاعداي رەجيمى جويىلعانىنا قاراماستان، كارانتين جانە شەكتەۋ شارالارى رەجيمى 2020 جىلعى 25 مامىرداعى ساعات 07.00-گە دەيىن ۇزارتىلدى، ال 12-25 مامىر ارالىعىندا ماڭعىستاۋ اۋدانىنىڭ شەتپە جانە شايىر اۋىلدارى، قاراقيا اۋدانىنىڭ سەنەك، بوستان جانە قۇلاندى اۋىلدارى، بەينەۋ اۋدانىنىڭ بورانكول جانە بەينەۋ اۋىلدارى، سونداي-اق جاڭاوزەن قالاسىنىڭ قىزىلساي، راحات جانە تەڭگە اۋىلدارى ءۇشىن جەكە شارالار ەنگىزىلدى.

وسىعان وراي، ماڭعىستاۋ وبلىسى توتەنشە جاعدايلار دەپارتامەنتى (بۇدان ءارى – دەپارتامەنت) تۇرعىندار اراسىندا كوروناۆيرۋستىق ينفەكسيانىڭ تارالۋىنا جول بەرمەۋ بويىنشا بەلسەندى جانە كەڭ اۋقىمدى ۇگىت-پروفيلاكتيكالىق جۇمىستارىن جالعاستىرۋدا.

تج رەجيمىن ەنگىزۋ باستالعاننان باستاپ (16 ناۋرىزدان باستاپ) وبلىستىڭ قالالارى مەن اۋداندارىندا كۇن سايىن وتكىزىلەتىن الدىن الۋ ءىس-شارالارىنا دەپارتامەنتتىڭ 1 000 (1248) استام قىزمەتكەرى، 500 (505) رەت داۋىس زورايتقىش قوندىرعىلارى بار اۆتوموبيل تارتىلدى.

بارلىق قىزمەتكەرلەرمەن 51 ەلدى مەكەندە، ادام جينالۋى مۇمكىن وبەكتىلەرگە 5 000 (5831) استام رەيدتەر، سونداي-اق دەنساۋلىق ساقتاۋ وبەكتىلەرىندە قىزمەت كورسەتۋشى پەرسونالمەن جانە مەديسينا قىزمەتكەرلەرىمەن 200 (226) رەت نۇسقاۋلار جۇرگىزدى.

اقتاۋ قالاسىندا كۇنىنە ءتورت رەت قۇلاقتاندىرۋ جۇيەسى بويىنشا حالىقتى حاباردار ەتۋ جۇرگىزىلدى. «اLMA TV» 15 تەليەۆيزيالىق ارناسى تاۋلىگىنە 3 رەت (ساعات 08.00، 18.00، 22.00) توقتاتىلىپ، وندا كارانتين كەزىندە ازاماتتاردىڭ ءوزىن-وزى ۇستاۋ ەرەجەلەرى كورسەتىلەدى، وسىعان ۇقساس جارىقتاندىرۋ باسقا دا باق-تا (تۆ–59 رەت، راديو بويىنشا-614 رەت، باسپا باسىلىمدارىندا–23، ينتەرنەت-رەسۋرستاردا-880 رەت) جۇرگىزىلدى.

جاڭاوزەن قالاسىنىڭ قىزمەتكەرلەرى 28 ساۋىردەن باستاپ جانە بەينەۋ اۋدانىنىڭ قىزمەتكەرلەرى 7 مامىرىنان باستاپ قاراقيا اۋدانىنىڭ سەنەك اۋىلىندا (2 نىسان) جانە بەينەۋ كەنتىندە (4 نىسان) ورنالاسقان 6 كارانتيندىك نىساندا تاۋلىك بويى كۇزەت ءىس-شارالارىن جۇزەگە اسىرۋ ءۇشىن پوليسيا ورگاندارىنا بەرىلگەنىن اتاپ وتكەن ءجون. تاۋلىك سايىن كۇزەت ءۇشىن جەكە قۇرامنان 9 ادام تارتىلادى، بۇعان دەيىن جەكە قۇرامنان 35 ادام تارتىلدى، 4 ەسەگە ازايعانى بايقالادى.

سونداي-اق، كارانتيندىك وبەكتىلەر قىسقاردى، اتاپ ايتقاندا بۇگىنگى كۇنى 41 نىسان باقىلاۋدا تۇر، ولار 3 ساۋىردەن باستاپ 60-تان (63) اسقان بولعان، ول كەزدە ماڭعىستاۋ اۋدانىنىڭ قىزمەتكەرلەر كۇزەت ءىس-شارالارىن جۇزەگە اسىرعان، ال بۇگىنگە وراي ولاردىڭ سانى ازايعانى بايقالادى. كۆي-دان تۇرعىنداردىڭ قاۋىپسىزدىگىن قامتاماسىز ەتۋ بويىنشا جۇمىس جالعاسۋدا جانە ايماقتاعى جاعدايدى تولىق رەتتەپ، تۇراقتاندىرۋعا دەيىن جالعاسۋدا.