"مەملەكەت باسشىسى كيم چەن ىننىڭ توراعالىعىمەن وتكەن اسكەري كەزدەسۋ بارىسىندا يادرولىق قارۋ تۋرالى جاڭا ساياسات تالقىلاندى" دەپ حابارلادى سولتۇستىك كورەيانىڭ مەملەكەتتىك اقپارات قۇرالدارى جەكسەنبىدە. بۇل تۋرالى قامشى ءتىلشىسى AFP-عا سىلتەمە جاساپ حابارلايدى.
كيم چەن ىن ءۇش اپتادان استام ۋاقىت ىشىندە ءبىرىنشى رەت كوپشىلىك الدىندا سويلەگەن. KCNA اقپارات اگەنتتىگىنىڭ مالىمەتىنشە، سولتۇستىك كورەيا ورتالىق اسكەري كوميسسيانىڭ وتىرىسىندا «بۇل – ەلدىڭ يادرولىق سوعىسقا توتەپ بەرۋىن ودان ءارى ارتتىرۋعا ارنالعان جاڭا ساياسات» دەپ حابارلانعان.
اسكەري كەزدەسۋدە كورەي حالىق ارمياسىنىڭ ارتيللەريالىق بولىمدەرىنىڭ وق اتۋ قابىلەتىن ەداۋىر ارتتىرۋ ءۇشىن ماڭىزدى شارالار قابىلدانعانى جاريالانعان. سونداي-اق، «ەلدىڭ قارۋلى كۇشتەرىن قۇرۋ جانە دامىتۋ» باعىتىنا سايكەس «ستراتەگيالىق قارۋلى كۇشتەردى جوعارى دايىندىق دەڭگەيىنە قويۋ» ماسەلەسى تالقىلانعانىن جازدى AFP.
ايتا كەتەيىك، بىرنەشە كۇن بۇرىن ترامپ اكىمشىلىگى ونداعان جىلداردان بەرگى العاشقى يادرولىق سىناقتى وتكىزۋ ماسەلەسىن تالقىلاعان بولاتىن.
پىكىر قالدىرۋ