30-عا جۋىق قارىز الۋشى ءبىرقاتار تالاپتارمەن الماتى اكىمدىگىنىڭ عيماراتىنا باردى، دەپ حابارلادى Vlast.kz .
ولاردىڭ تالاپتارىنىڭ ىشىندە كارانتيندىك شارالاردى الىپ تاستاۋ جانە قارىزداردى قايتارۋعا بولاتىنداي جۇمىستارمەن قامتاماسىز ەتۋ شارالارى بار. قالا اكىمىنىڭ ورىنباسارى ساپاربەك تۇياقبايەۆ جينالعانداردى قارسى الىپ، ايتىلعان ۋاجدەردى قاراستىرۋعا ۋادە بەردى. سونىمەن قاتار اكىمدىكتىڭ قىزمەتكەرلەرى ميتينگىگە شىققان بەلسەندىلەردەن قاشىقتىق پەن ماسكا رەجيمىن ساقتاۋدى سۇرادى.
ميتينگىگە قاتىسقاندار الماتىدا ۇزاق ۋاقىتقا سوزىلعان كارانتين شارالارىنىڭ سالدارىنان كيىن جاعدايعا تۇسكەن قارىز الۋشىلار. ولار اكىمدىك قىزمەتكەرلەرىنە ماسەلەنى شەشۋگە كىرىسۋدى سۇراعان، ويتكەنى جينالعانداردىڭ كوبىسىنىڭ مۇلىكتەرىن بانك "تارتىپ الا باستاعان".
سونداي-اق، بەلسەندىلەر اكىمدىككە ءبىرقاتار تالاپتار قويدى. ولاردىڭ ىشىندە تاكەيەۆا اتتى ازامات الماتىدا كارانتين شارالارىن الىپ تاستاۋ قاجەتتىگىن اتاپ ايتتى. ويتكەنى كارانتين ۋاقىتىندا قارىز الۋشىلار كوپ زارداپ شەگەدى.
قاتىسۋشىلار سونىمەن بىرگە قارىزداردى ۋاقىتىندا قايتارۋ ءۇشىن ولاردى جۇمىسپەن قامتاماسىز ەتۋدى تالاپ ەتتى.
پىكىر قالدىرۋ