"ەگەر بەيجىڭ گونكونگ اۆتونومياسىن باقىلاۋدى كۇشەيتەتىن ۇلتتىق قاۋىپسىزدىك زاڭىن قولدانسا، اقش ۇكىمەتى قىتايعا سانكسيالار سالۋى مۇمكىن" دەپ مالىمدەدى اق ءۇيدىڭ ۇلتتىق قاۋىپسىزدىك بويىنشا كەڭەسشىسى روبەرت و’برايەن. بۇل تۋرالى قامشى ءتىلشىسى CNBC-گە سىلتەمە جاساپ حابارلايدى.
و’برايەننىڭ ايتۋىنشا، زاڭ جوباسى گونكونگتى باسىپ جانىشتاۋدى بىلدىرەدى، "سونىڭ سالدارىنان اقش مەملەكەتتىك حاتشىسى مايك پومپەو قالانىڭ اۆتونوميالىق ەرەكشە ورنى بار ەكەندىگىنە كەپىلدىك بەرە المايدى. بۇل گونكونگتاعى ادام قۇقىقتارى جانە دەموكراتيا تۋرالى 2019 جىلى قابىلدانعان زاڭعا سايكەس قىتايعا سانكسيالار ەنگىزۋگە مۇرىندىق بولادى" دەدى و’برايەن.
پومپەو قىتايدىڭ ۇلتتىق قاۋىپسىزدىك تۋرالى جاڭا زاڭ جوباسىن گونكونگتىڭ اۆتونومياسى ءۇشىن «ءولىم ءتۇيىنى» دەپ اتادى. ال، و’برايەن گونكونگ جاھاندىق قارجى ءۇشىن باستى حاب مارتەبەسىنەن ايرىلۋى مۇمكىن ەكەنىن ەسكەرتتى.
پىكىر قالدىرۋ