تۇنگى جۇمىس ۋاكىتى مەرەكە نەمەسە دەمالىس كۇنىمەن تۋرا كەلگەن كەزدە، ەڭبەككە اقى تۇنگى ۋاقىتتاعى جۇمىستىڭ ءاربىر ساعاتىنا جوعارىلاتىلعان مولشەردە، ءبىراق جۇمىسكەردىڭ كۇندىك (ساعاتتىق) مولشەرلەمەسى نەگىزگە الىنا وتىرىپ، ءبىر جارىم ەسەدەن تومەن بولمايتىن مولشەردە جانە مەرەكە، دەمالىس كۇندەرىندەگى جۇمىسقا اقى تولەۋ ەڭبەك نەمەسە ۇجىمدىق شارتتاردىڭ جانە (نەمەسە) جۇمىس بەرۋشى اكتىسىنىڭ تالاپتارىنا سايكەس جوعارىلاتىلعان مولشەردە، ءبىراق جۇمىسكەردىڭ كۇندىك (ساعاتتىق) مولشەرلەمەسى نەگىزگە الىنا وتىرىپ، ءبىر جارىم ەسەدەن تومەن بولمايتىن مولشەردە جەكە تولەمدەر جۇرگىزىلەدى. بۇل تۋرالى شىعىس قازاقستان وڭىرلىك كوممۋنيكاسيالار قىزمەتىندە وتكەن بريفينگ بارىسىندا شقو مەملەكەتتىك ەڭبەك ينسپەكسياسى باسقارماسىنىڭ باسشىسى باقىتبەك قيزاتوۆ ءمالىم ەتتى.

– سونداي-اق، ءوسىمپۇلداردى ەسەپتەۋ جانە تولەۋ بولىگىندە وزگەرىستەر ەنگىزىلدى. اتاپ ايتقاندا، ءوسىمپۇل مولشەرى جالاقى تولەۋ جونىندەگى مىندەتتەمەلەردى ورىنداۋ كۇنىنە قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋدىڭ 1،25 ەسەلەنگەن رەسمي مولشەرلەمەسى نەگىزگە الىنا وتىرىپ، ەسەپتەلەدى جانە تولەم جۇرگىزۋگە ءتيىستى كەلەسى كۇننەن باستالىپ، تولەم جاسالعان كۇنمەن اياقتالا وتىرىپ، مەرزىمى وتكەن ءاربىر كۇنتىزبەلىك كۇن ءۇشىن ەسەپتەلىنەدى. ءوسىمپۇلدار ەنگىزىلگەن وزگەرىستەرگە سايكەس، تەك قانا جالاقىعا عانا ەمەس، سونىمەن قاتار، جۇمىسكەرگە تيەسىلى سومالاردى تولەۋ كەزىندە دە ەسەپتەلەدى، – دەدى باقىتبەك قيزاتوۆ.

شقو اقپارات ورتالىعى