پرەزيدەنت قاسىم-جومارت توقايەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى. بۇل تۋرالى اقوردا حابارلادى.
ا. كولگىنوۆ پرەزيدەنتكە ەلوردانىڭ الەۋمەتتىك-ەكونوميكالىق دامۋى جانە 2019 جىلى قازان ايىنداعى كەڭەستە بەرىلگەن تاپسىرمالاردىڭ ورىندالۋ بارىسىن باياندادى.
اكىمنىڭ ايتۋىنشا، توقايەۆتىڭ تاپسىرماسىمەن بيىل قولجەتىمدى تۇرعىن ءۇي قۇرىلىسى ايتارلىقتاي جاندانا تۇسكەن. وسى ورايدا باسپانا كەزەگىندە تۇرعان ازاماتتار مەن حالىقتىڭ الەۋمەتتىك تۇرعىدان قورعالماعان توپتارى ءۇشىن 8 مىڭ پاتەردى پايدالانۋعا بەرۋ جوسپارلانىپ وتىر.
سونىمەن قاتار كەزدەسۋدە ەلوردا باسشىسى ۇلەسكەرلەردىڭ پروبلەماسىن شەشۋ جانە بىتپەي قالعان تۇرعىن ۇيلەردىڭ قۇرىلىسىنا قاتىستى احۋالدى رەتتەۋدى اتاپ ايتتى.
مەملەكەت باسشىسى جۇمىسپەن قامتۋدىڭ جول كارتاسىنىڭ ورىندالۋىن ەرەكشە باقىلاۋدا ۇستاۋ قاجەتتىگىن دە اتاپ ءوتتى.
سونداي-اق، ينفراقۇرىلىمدىق جوبالاردى، ونىڭ ىشىندە، مەكتەپتەر مەن وڭالتۋ ورتالىعىن سالۋ، جولدار مەن الەۋمەتتىك نىسانداردى جوندەۋ، كوشەلەردى، تۇرعىن ءۇي الاپتارى مەن قوعامدىق ورىنداردى اباتتاندىرۋ سياقتى جۇمىستاردى ساپالى جۇزەگە اسىرۋدىڭ ماڭىزدىلىعىن اتاپ ءوتتى.
بۇدان بولەك كەزدەسۋدە ينۆەستيسيا تارتۋ، شاعىن جانە ورتا بيزنەستى قولداۋ، الەۋمەتتىك جاعدايى تومەن ازاماتتارعا كومەك كورسەتۋ ماسەلەلەرىنە باسا ءمان بەرىلدى.
وسىلايشا توقايەۆ ەلوردا اكىمىنە قۇرىلىس سەكتورىنداعى جۇمىستاردىڭ كولەمىن ارتتىرۋ، ءۇش اۋىسىمداعى مەكتەپتەردىڭ ماسەلەسىن شۇعىل شەشۋ، سونىمەن قاتار، جۇمىسسىز قالا تۇرعىندارىن جۇمىسپەن قامتۋ جونىندە تاپسىرما بەردى.
