ەندى مەرزىمدى اسكەري قىزمەتكە نەمەسە اسكەري جيىندارعا شاقىرىلۋعا جاتاتىن جۇمىسكەرلەردىڭ دارىگەرلىك كوميسسيادان ءوتۋ كەزەڭىندە، جەرگىلىكتى اسكەري باسقارۋ ورگاندارىنان شاقىرۋ قاعازى بولعان كەزدە - جۇمىس ورنى (لاۋازىمى)، جۇمىس ورنى بويىنشا جالاقىسى، ال مەرزىمدى اسكەري قىزمەتتى وتكەرۋ نەمەسە اسكەري جيىندار كەزەڭىندە جۇمىس ورنى (لاۋازىمى) ساقتالادى. بۇل تۋرالى شىعىس قازاقستان وڭىرلىك كوممۋنيكاسيالار قىزمەتىندە وتكەن بريفينگ بارىسىندا شقو مەملەكەتتىك ەڭبەك ينسپەكسياسى باسقارماسىنىڭ باسشىسى باقىتبەك قيزاتوۆ ءمالىم ەتتى.
بريفينگ بارىسىندا باسقارما باسشىسى مەرزىمدى اسكەري قىزمەتتى وتكەرۋ نەمەسە اسكەري جيىندار كەزەڭىندە، جۇمىس ورنى (لاۋازىمى) ساقتالعان جۇمىسكەر، اسكەري قىزمەتتەن شىعارىلۋعا نەمەسە اسكەري جيىنداردىڭ اياقتالۋىنا بايلانىستى اسكەري ءبولىمنىڭ تىزىمدەرىنەن الىپ تاستالعان كۇننەن باستاپ، ءبىر ايدان كەشىكتىرمەي ءوزىنىڭ ەڭبەك مىندەتتەرىنە كىرىسۋگە مىندەتتى.
- جۇمىس بەرۋشى جۇمىسكەردى جۇمىستان زاڭسىز شەتتەتكەن جاعدايدا، جۇمىسكەردىڭ جالاقىسى، ەڭبەككە ۋاكىتشا جارامسىزدىعى بويىنشا الەۋمەتتىك جاردەماقىسى جانە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە، ەڭبەك، ۇجىمدىق شارتتاردا، جۇمىس بەرۋشىنىڭ اكتىلەرىندە كوزدەلگەن وزگە دە تولەمدەرى ساقتالادى (بۇرىن تەك جالاقى ساقتالعان)، - دەدى باقىتبەك قيزاتوۆ.
شقو اقپارات ورتالىعى
پىكىر قالدىرۋ