قازاقستانداعى جوعارى وقۋ ورىندارىن 3 ليگاعا ءبولۋ كەرەك. مۇنداي ۇسىنىستى ۇلتتىق قوعامدىق سەنىم كەڭەسىنىڭ ءبىلىم بەرۋ، دەنساۋلىق ساقتاۋ ماسەلەلەرىنە ارنالعان وتىرىسىندا كەڭەس مۇشەسى اسىلبەك قوجاحمەت ايتتى.

– قازاقستاندا جوعارى وقۋ ورىندارىنىڭ، ستۋدەنتەردىڭ كوپتىگى، ءبىلىم ساپاسىنىڭ تومەندىگى تۋرالى ءۇش ميف بار. مۇنداي ستەروتيپتىڭ ەشقايسىسى شىندىققا سايكەس كەلمەيدى. ۋنيۆەرسيتەتتەر مەن ستۋدەنتتەر سانىننىڭ 1 ملن ادامعا شاققاندا قازاقستاندا كورسەتكىش اقش، فرانسيا، مالايزيا سەكىلدى ەلدەردىكىنەن تومەن. ال ءبىلىم سالاسىنا بولىنگەن قارجىنىڭ كوپ ەلدەردىكىنەن تومەن ەكەنىنە قاراماستان، قازاقستان جوعارى وقۋ ورىندارىنداعى ءبىلىم ساپاسى الەمدە 36-ورىندا كەلەدى. بۇل جاقسى ناتيجە، – دەدى ول.

سونداي-اق ول ۋنيۆەرسيتەتتتەردىڭ 3 ليگاعا ءبولۋدى ۇسىندى.

– جوو-لاردى قازىرگىدەي مەملەكەتتىك جانە جەكەمەنشىك دەپ ەمەس، وزگە كريتەريي لەر بويىنشا بولگەن ماڭىزدى. وسى رەتتە ۋنيۆەرسيتەتتەردى 3 ليگاعا ءبولۋدى ۇسىنامىز. 1-ليگا حالىقارالىق ۋنيۆەرسيتەتتەر. ولار قازاقستاننىڭ ءيميدجىن كوتەرەتىن وقۋ ورداسى بولۋعا ءتيىس. 2-ليگا ۇلتتىق ۋنيۆەرسيتەتتەر. 3-ليگا ايماقتىق ۋنيۆەرسيتەتتەر. مۇنداي ءبولىنىس كەزىندە ولاردىڭ ناقتى باعىتى ايقىندالىپ، نىسانالى جۇمىس جاسالادى، – دەدى اسىلبەك قوجاحمەت.