ۇلتتىق قوعامدىق سەنىم كەڭەسىنىڭ وتىرىسىندا پرەزيدەنت توقايەۆ مەملەكەتتىك ءتىل ماسەلەسىنە توقتالىپ، ءتىل كوميتەتىن ءبىلىم جانە عىلىم مينيسترلىگىنىڭ قاراماعىنا وتكىزۋ كەرەكتىگىن ايتتى.
– مەملەكەتتىك ءتىلدى وقىتۋدىڭ تيىمدىلىگىن بارىنشا ارتتىرۋىمىز قاجەت. بۇل ماسەلەدە ەۋروپا ەلدەرىنىڭ تاجىريبەسىنە نازار اۋدارعان ءجون. ولار ءتىل ۇيرەتۋ بارىسىندا نەگىزىنەن وقۋ ورنىنداعى جاستارعا كوبىرەك ءمان بەرەدى. سوندىقتان ءتىل كوميتەتىن 2021 جىلدان باستاپ ءبىلىم جانە عىلىم مينيسترلىگىنىڭ قاراماعىنا وتكىزگەن ءجون. بۇل قازاق ءتىلىن وقىتۋ ادىستەمەسىن ازىرلەۋ جانە ونى ۇيرەتۋ ىسىنە قاتىستى الەۋەتىمىزدى ءبىر ورتالىققا شوعىرلاندىرۋعا مۇمكىندىك بەرەدى، – دەدى ول.
سونداي-اق پرەزيدەنت جىل سايىن 100 عالىمدى الەمنىڭ جەتەكشى عىلىمي ورتالىقتارىندا تاعىلىمدامادان وتۋىنە قارجى ءبولۋ كەرەكتىگىن ايتتى. ول ءۇشىن دوكتورانتۋرانى بىتىرگەن عالىمداردىڭ شەتەلدە تاعىلىمدامادان ءوتۋ ءۇشىن ارنايى مەملەكەتتىك تاپسىرىس بەرىلۋى قاجەت.
سونداي-اق دوكتورانتۋرا گرانتتارىنىڭ سانىن ارتتىرىپ، ستيپەندياسىن 150 مىڭ تەڭگەگە دەيىن كوتەرۋ كەرەكتىگى ايتىلدى.
پىكىر قالدىرۋ