اقش پرەزيدەنى دونالد ترامپ ءوزىنىڭ Twitter پاراقشاسىنا اق ۇيدەگى بريفينگتىڭ 9 مينۋت 26 سەكۋندتىق ءۇزىندى ۆيدەوسىن جاريالادى. ۆيدەودا ترامپ "كەيبىر قىتايلىق ازاماتتاردىڭ اقش-قا كىرۋىن ۋاقىتشا توقتاتاتىنىن" ايتتى.
قىتايدى "اقش-تىڭ يندۋستريالىق قۇپيالارىن ۇرلاۋ ءۇشىن «زاڭسىز تىڭشىلىق» جاسادى" دەپ ايىپتاعان دونالد ترامپ قىتايدىڭ كەيبىر ازاماتتارىنىڭ امەريكاعا كىرۋىنە تىيىم سالاتىنىن جەتكىزدى. بەلگىلى ستۋدەنتتەردىڭ قىتايدان اقش ۋنيۆەرسيتەتتەرىنە كەلۋىن توقتاتا تۇرۋ تۋرالى مالىمدەمە شىعاراتىنىن جاريالادى.
– بىرنەشە جىلدار بويى جۇڭگو ۇكىمەتى ءبىزدىڭ يندۋستريالىق قۇپيالاردى ۇرلاۋ ماقساتىندا زاڭسىز تىڭشىلىق جاسادى. بۇگىن مەن مەملەكەتىمىزدىڭ ماڭىزدى زەرتتەۋلەرىن جاقسارتۋعا شاقىرامىن جانە ءبىزدىڭ قاۋىپسىزدىگىمىزدىڭ ىقتيمال قاتەرى رەتىندە انىقتالعان كەيبىر قىتايلىق ازاماتتاردىڭ امەريكاعا كىرۋىن توقتاتا تۇرۋعا شاقىرامىن، – دەدى اقش پرەزيدەنتى.
ايتا كەتەيىك، كەشە ترامپ اكىمشىلىگى قىتايلىق ستۋدەنتتەردىڭ ۆيزاسىن جارامسىز ەتۋگە دايىندالىپ جاتقانى جايىندا اق ءۇيدىڭ ىشكى تالقىلاۋىنا قاتىسقان ءبىر شەنەۋنىكتىڭ بەيرەسمي مالىمدەمەسىن جاريالاعان بولاتىنبىز. اق ءۇي شەنەۋنىگى بۇيرىقتىڭ "وسى اپتانىڭ ىشىندە تەز ارادا جاريالاتىنىن" ايتقان.
پىكىر قالدىرۋ