الماتىدا كوروناۆيرۋستىق ينفەكسيانىڭ 1140 جاعدايى تىركەلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

كەشە جاڭادان 114 ناۋقاس تىركەلسە، بۇگىن 89 جاعداي انىقتالدى.

ولاردىڭ 16-سى پروۆيزورلىق ستاسيوناردا ينفەكسيا جۇقتىرعاندارمەن بايلانىستا بولعان، 4ء-ۋى ماسكەۋ – اقتوبە – الماتى رەيسىمەن ۇشىپ كەلگەن. ولار قونعان بويى ستاسيوناردا كارانتيندە بولعان، ال قالعاندارىنىڭ ىندەت جۇقتىرعانى تەستىلەۋ ناتيجەسىندە انىقتالدى.

بۇلارمەن بايلانىستا بولعان بارلىق ادامدار تابىلدى جانە ولار پروۆيزورلىق گوسپيتالدارعا كارانتينگە ورنالاستىرىلدى.

ينفەكسيالىق ستاسيونارلاردا 1015 ادام ەمدەلۋدە، ونىڭ ىشىندە 39-ى بالا.

ەكى ادامنىڭ جاي-كۇيى – وتە اۋىر، 27 ادامدا – اۋىر، 208 ادامدا – اۋىرلىقتىڭ ورتاشا دارەجەسىندە جانە قالعاندارىندا – قاناعاتتانارلىق.

پروۆيزورلىق گوسپيتالداردا 395 ادام، كارانتيندىك وقشاۋلاۋدا 366، ال ءۇي كارانتينىندە 11 846 ادام بار.

وتكەن تاۋلىكتەردە الماتىدا 15 ناۋقاس كوروناۆيرۋستىق ينفەكسيادان ساۋىعىپ، ەمدەۋدەن شىعارىلدى.

ونىڭ ىشىندە ورتالىق قالالىق كلينيكالىق اۋرۋحانانىڭ 10 مەديسينا قىزمەتكەرى، تورتەۋى بالالار كلينيكالىق جۇقپالى اۋرۋلار اۋرۋحاناسىنىڭ قىزمەتكەرلەرى جانە ءبىر ايەل ۆيرۋسى بۇرىن انىقتالعان ناۋقاسپەن بايلانىستا بولعان 1964 جىلعى ناۋقاس.

1964 جىلى تۋىلعان بۇل ناۋقاس 2 ساۋىردەن باستاپ ەمدەۋدە بولعان.

قالعان ناۋقاستاردى ەمدەۋ ورتا ەسەپپەن 16-18 كۇنگە سوزىلدى.

10 ادامدا جاعداي اۋىرلىقتىق ورتاشا دارەجەسى، جەتى ادامنىڭ ەكى جاقتى پوليسەگمەنتتى پنيەۆمونياسى بار، قالعان ناۋقاستاردا اۋرۋدىڭ جەڭىل اعىمى بولعان.