ءال-فارابي اتىنداعى قازۇۋ جۋرناليستيكا فاكۋلتەتى باسپا ءسوز جانە ەلەكتروندى ب ا ق كافەدراسىنىڭ مەڭگەرۋشىسى، پروفەسسور گۇلميرا سەرىكباي قىزى پرەزيدەنتتىڭ ساياسي قۋعىن-سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋ جايلى تاپسىرماسى استارىندا تەرەڭ ءمان بار دەيدى.
– تاريحتاعى اقتاڭداق تۋرالى ستۋدەنتتىك جىلدارى وقىپ، ەستي باستادىق. قازاق ۇلتتىق ۋنيۆەرسيتەتىندەگى ستۋدەنتتىك جىلدار ەل تاۋەلىزدىگىن العان كەزبەن تۇسپا-تۇس كەلدى. جۋرناليستيكا فاكۋلتەتىنە ادەبيەت تەورياسىنان ءدارىس بەرگەن اكادەميك زەينوللا قابولوۆ اعايدىڭ دارىستەرىنە العاش رەت الاش ارىستارى تۋرالى دارىستەرىندە تەرەڭ تالداپ، ۇزاق ءبىر سۇيسىنىپەن اتاپ ءوتىپ وتىردى. اسىقپاي باياۋ دا سىرباز ماقاممەن وقيتىن اكادەميكتىڭ ءار دىرىسىنەن ماعجان جۇمابايەۆ، احمەت بايتۇرسىنوۆ، جۇسىپبەك ايماۋىتوۆ سياقتى الاش الىپتارىن اتاتتارىن ەستىپ، ادەبي مۇرالارىنا سۋسىنداعان ەدىك. ۇلتتىق كىتاپحانادان العاش جارىق كورگەن الاش ارىستارى كىتاپتارىن، ەڭبەكتەر جيناعىن تالاسا-تارماسا كەزەكپەن وقۋعا اسىعىپ جۇردىك، – دەپ اتاپ ايتتى.
ول ءوز سوزىندە قاسىم-جومارت توقايەۆ ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي ۇندەگە جولداۋىندا حح عاسىرداعى ساياسي قۋعىن-سۇرگىن زوبالاڭى تاريحتىڭ ەڭ قايعىلى دا قاستەرلى شەجىرەسى بولاتىنى اششى شىندىق.
– تاۋەلسىزدىڭتىڭ العاشى جىلدارى ناۋبەتتىڭ قۇرباندارىن ماڭگى ەستە قالدىرۋ شارالارىن حالىقتىق دەڭگەيدە مەملەكەتتىڭ قولداۋىمەن ورىندالدى. پرەزيدەنتتىڭ ساياسي قۋعىن-سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋ جايلى تاپسىرماسى استارىندا تەرەڭ ءمان بار. بۇل جازىقسىز جازالانعاندار ەسىمىن جاڭا بۋىن ۇرپاققا امانات ەتۋى، ەسىمدەرىن ماڭگى ساقتاۋعا دەگەن ساياسي شەشىم.
ءبىزدىڭ اكادەميك، پروفەسسور ۇستازدارىمىز سانامىزعا سىڭىرگەن الاشتىڭ ارىستارى ەندى بۇكىل ەلدىڭ، ۇلتتىڭ رۋحاني كودى. ادەبيەتتىڭ، ساياساتتىڭ، ەكونوميكانىڭ وركەندەۋى، قازاق ەلىنىڭ دامۋى ءۇشىن ايانباي ەڭبەك، تەر توككەن، ءومىرىن قيعان بىزگە ەسىمى بەيمالىم تالاي ازاماتتار ورتامىزعا ورالاتىنىنا كامىل سەنەمىن، – دەدى گۇلميرا سەرىكباي قىزى.
پىكىر قالدىرۋ