مامىر ايىندا ەلدەگى جىلدىق ينفلياسيا 6،7 پايىزدى قۇرادى. بۇل تۋرالى ۇەم ستاتيستيكا كوميتەتى حابارلادى. 

ازىق-تۇلىك تاۋارلارى 10،7 پايىزعا، ازىق-تۇلىك ەمەس تاۋارلار – 5،3 پايىزعا، اقىلى قىزمەتتەر – 3 پايىزعا قىمباتتادى. 

جىل باسىنان بەرى باعانىڭ وسۋىنە كەلەتىن بولساق، ينفلياسيا بەس ايدا 3،7% پايىزدى قۇرادى. ازىق-تۇلىك تاۋارلارى باعاسى 6،8 پايىزعا، ازىق-تۇلىك ەمەس تاۋارلار – 2،1 پايىزعا، اقىلى قىزمەتتەر – 1،2% پايىزعا ءوستى.

جىل باسىنان بەرى قاراقۇمىق 14،5 پايىزعا، جەمىستەر – 18،3 پايىزعا، كارتوپ – 38،4 پايىزعا، پياز – 38،3 پايىزعا، ءسابىز – 25،4 پايىزعا، قانت – 11،6 پايىزعا، قوي ەتى – 8،6 پايىزعا، سيىر ەتى – 6،1 پايىزعا، ماكارون ونىمدەرى – 7،5 پايىزعا، ءسۇت – 3،6 پايىزعا، سارى ماي – 7،5 پايىزعا قىمباتتادى. ال، بەس ايدا جۇمىرتقا – 0،2 پايىزعا، قىرىققابات – 27،9 پايىزعا، تارى – 1،7 پايىزعا، كۇرىش –2،6 پايىزعا ارزاندادى.

ەگەر ءبىر ايداعى ينفلياسيانى قاراستىراتىن بولساق، مامىردا ءوسىم 0،5 پايىزدى قۇرادى. ازىق-تۇلىك تاۋارلارى 1،2 پايىزعا، ازىق-تۇلىككە جاتپايتىن تاۋارلار 0،4 پايىزعا قىمباتتادى، اقىلى قىزمەتتەر كەرىسىنشە 0،3 پايىزعا ارزاندادى.