تيمۋرجان نۇرىمبەتوۆ جامبىل وبلىسى ەڭبەكپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى قىزمەتىنەن ءوز ەركىمەن كەتتى دەپ جازادى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ.
ۆەدومستۆو مالىمەتىنشە، وبلىس اكىمىنىڭ بۇيرىعىمەن نۇرىمبەتوۆ باسقارما باسشىسى قىزمەتىنەن ءوز ەركىمەن كەتتى. ول بۇل قىزمەتكە 2019 جىلدىڭ 18 اقپانىندا كەلگەن ەدى.
"تيمۋرجان نۇرىمبەتوۆ ءوزىن ساۋاتتى جانە بىلىكتى مامان، مىقتى باسشى رەتىندە كورسەتتى. اشىق، ەڭبەكقور ادام. ەڭبەكپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى قىزمەتىندە ەشقانداي تارتىپتىك جازاعا تارتىلعان جوق"، - دەلىنگەن جامبىل وبلىسى اكىمى اپپاراتىنىڭ باسشىسى الماس مادييەۆتىڭ جاۋابىندا.
24 ساۋىردە نۇرىمبەتوۆتىڭ ورنىنا ۋاقىتشا قىزمەتكە جورابەك باۋبەكوۆ كەلدى.
ەسكە سالايىق، مۇنىڭ الدىندا تيمۋرجان نۇرىمبەتوۆتىڭ ءۇي قاماۋىنا الىنعانىحابارلانعان ەدى. جامبىل وبلىسىنىڭ پروكۋراتۋراسى 2019 جىلدىڭ 26 جەلتوقسانىندا انتيكوررۋپسيا قىزمەتىنىڭ سوتقا دەيىنگى تەرگەۋ باستاعانىن ايتقان ەدى.
پىكىر قالدىرۋ