ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ باۋىرى تيمۋرجان نۇرىمبەتوۆ جەمقورلىق داۋىنان كەيىن جامبىل وبلىسى ەڭبەكپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى قىزمەتىنەن كەتتى، دەپ جازادى kaztag.kz.
اقپاراتتى باسقارماداعىلار راستاعان.
14 ساۋىردە «ۆرەميا» سايتى تيمۋرجان نۇرىمبەتوۆتىڭ 9 ملن تەڭگە پارا الدى دەگەن كۇدىككە ىلىنگەنىن حابارلاعان. سىبايلاس جەمقورلىققا قارسى قىزمەت بۇرىنعى باسقارما باسشىسى مەن مۇگەدەكتەردىڭ Asyl-Tirek قوعامدىق بىرلەستىگى اراسىنداعى تىعىز بايلانىستى بايقاعان.
مەملەكەتتىك تاپسىرىس سايتىنداعى دەرەككەرگە ساي، مەكەمە باسقارما تاراپىنان تەك 2020 جىلى عانا 86 ملن تەڭگەنىڭ تاپسىرىسىن العان. كونكۋرس ءبىر كوزدەن وتكىزىلگەن. اشىق كونكۋرس بولماعان.
پىكىر قالدىرۋ