ءيتتى توڭازىتقىش ەسىگىمەن قىلعىندىرىپ جاتقان ەر ادامنىڭ جەلىدە رەزونانس تۋدىرعان ۆيدەوسىنا بايلانىستى اتىراۋ وبلىسىندا ەكى ازاماتقا قاتىستى تەرگەۋ جۇمىستارى باستالدى.
– وقيعا 31 مامىردا ەركىنقالا اۋىلىنىڭ شەتىندە بولعان. پوليسيا قىزمەتكەرلەرى كۇدىكتىلەر 1979 جانە 1986 جىلى تۋعان ازاماتتار ەكەنىن انىقتاپ، ۇستادى. ولارعا ەكى فاكتى بويىنشا ق ر قىلمىستىق كودەكسنىڭ 316-بابى (جانۋارلارعا قاتىگەز قاراۋ) بويىنشا سوتقا دەيىنگى تەرگەۋ جۇمىستارى جۇرگىزىلۋدە، – دەپ حابارلادى وبلىستىڭ پوليسيا دەپارتامەنتى باسپا ءسوز قىزمەتىنىڭ جەتەكشىسى گۇلنازيرا مۇحتاروۆا.
جالپى وقيعا مامىر ايىنىڭ سوڭعى كۇندەرى بولعان.
– العاشقى وقيعا 30 مامىر كۇنى اتىراۋ قالاسىنىڭ "بەرەكە" شاعىن اۋدانىندا بولدى. ەكىنشى جاعداي، 31 مامىر كۇنى قالا ماڭىنداعى ەركىنقالا اۋىلىندا تىركەلدى، وندا ەر ادام ءيتتى توڭازىتقىشتىڭ ەسىگىمەن قىلعىندىرىپ قىيناعان، – دەدى مۇحتاروۆا.
پىكىر قالدىرۋ